اہل بیت(ع) نیوز ایجنسی ۔ ابنا ۔ کی رپورٹ کے مطابق دنیا کے سب سے بڑے سرچ انجن گوگل اور اسرائیل کے درمیان ایک نئے سمجھوتے کا انکشاف ہوا ہے۔ معاہدے کے تحت اسرائیل کو ویڈیو شیرنگ ویب سائٹ یو ٹیوب پر فلسطینیوں کی جانب سے اسرائیل کے خلاف پوسٹ کردہ مواد کی نگرانی کا فیصلہ کیا گیا ہے۔ واضح رہے کہ گوگل انتظامیہ نے گزشتہ روز اسرائیل کے ساتھ کسی بھی اسے معاہدے کی تردید کی ہے۔ جبکہ دوسری جانب اسرائیل کے نائب وزیر خارجہ سمیت کئی دوسرے عہدیداروں نے اعتراف کیا ہے کہ گوگل اور تل ابیب کے درمیان باہمی تعاون کا معاہدہ گذشتہ پیرکو نیویارک میں طے پایا تھا۔گوگل کی جانب سے جاری ایک بیان میں ان خبروں کی تردید کی گئی ہے جن میں کہا گیا تھا گوگل نے یو ٹیوب پر پوسٹ کردہ مواد کی نگرانی کے لیے اسرائیل کے ساتھ ایک معاہدے پر دستخط کیے ہیں۔ خیال رہے کہ حال ہی میں اخبار"انٹرنیشنل بزنس ٹائمز" نے اپنی رپورٹ میں بتایا تھا کہ گوگل کمپنی اور نائب اسرائیلی وزیر خارجہ نے باہمی تعاون کے ایک سمجھوتے پر دستخط کیے ہیں جس کے تحت اسرائیل اور گوگل مل کر یوٹیوب پر اسرائیل مخالف مواد کی نگرانی کریں گے۔
.......
/169
