برطانیہ میں قرآن پاک جلانے کی ناکام کوشش کرنے والے پر حملہ ، شدید زخمی

اہل بیت(ع) نیوز ایجنسی ـ ابنا ـ کے مطابق، ایک پاکستانی اخبار نے رپورٹ دی ہے کہ برطانیہ میں ترک سفارت خانے کے سامنے ایک بدبخت احتجاج کے نام قرآن پاک کو جلانے کے ناپاک ارادے سے آیا تھا، جس دوران وہ یہ مکروہ حرکت کرنے جا رہا تھا راہگیروں میں سے ایک نے اس پر حملہ کرکے اسے گرا دیا۔ راہگیر نے زمین پر گرے بدبخت شخص کے ہاتھ سے قرآن لے لیا اور اس پر گھونسوں اور لاتوں کی برسات کردی۔

سوشل میڈیا پر وائرل ویڈیو میں دیکھا جا سکتا ہے کہ بدبخت شخص کے ہاتھ میں قرآن پاک ہے اور اس کا کچھ حصہ جل رہا ہے۔

ویڈیو میں راہگیر کو ملعون شخص پر چاقو سے حملہ کرتے ہوئے بھی دیکھا جا سکتا ہے جس میں بدبخت شدید زخمی ہوگیا۔

پولیس اہلکاروں نے بدبخت کو مشتعل ہجوم سے بچایا اور ایمبولینس کے ذریعے ہسپتال منتقل کیا جہاں اس کی حالت خطرے سے باہر بتائی جا رہی ہے۔

پولیس نے چاقو سے حملہ کرنے والے شخص کو بھی حراست میں لے لیا جس سے پوچھ گچھ کی جا رہی ہے۔

پولیس کی جانب سے ملعون شخص اور اس پر حملہ کرنے والے مجاہد کی شناخت ظاہر نہیں کی گئی۔

۔۔۔۔۔۔۔۔

110