اہل بیت(ع) نیوز ایجنسی ـ ابنا ـ کے مطابق، صدر اسلامی جمہوریہ ایران، ڈاکٹر مسعود پزشکیان اقوام متحدہ کی جنرل اسمبلی کے سالانہ اجلاس میں شرکت کے لئے نیویارک روانہ ہوگئے ہیں۔
روانگی سے پہلے مہرآباد ائیرپورٹ ـ تہران میں صحافیوں سے گفتگو کرتے ہوئے صدر پزشکیان نے کہا: میں اقوام متحدہ کے فورم سے ایرانی عوام کی آواز دنیا تک پہنچاوں گا۔ ہم حق طلبی اور انصاف طلبی کی صدا بلند کرتے رہیں گے۔
انہوں نے کہا کہ اقوام متحدہ دنیا میں ایک اہم ادارہ ہے جس میں تمام ممالک کے سربراہان اور اعلی رہنما حاضر ہوتے ہیں۔ اگر یہ ادارہ اپنی ذمہ داریوں کو اچھی طرح ادا نہ کرے تو دنیا میں کوئی بھی ملک اپنی ذمہ داریوں پر عمل نہیں کرے گا۔
صدر پزشکیان نے صہیونی ریاست اور اس کے مغربی حامیوں کے جرائم کی طرف اشارہ کرتے ہوئے کہا کہ حالیہ جرائم سے دنیا کے عوام کے جذبات مجروح ہوئے ہیں۔
انہوں نے فلسطین اور لبنان میں صہیونی ریاست کی جارحیت کے حوالے سے اقوام متحدہ کے نرم رویے کو تنقید کا نشانہ بنایا۔
۔۔۔۔۔۔۔۔
110
