امریکہ دوبارہ داعش کو زندہ کرنے کی کوشش کر رہا ہے/ ہم میزائل گھروں میں چھپا کر نہیں رکھتے

اہل بیت(ع) نیوز ایجنسی۔ابنا۔ لبنان کی اسلامی مزاحمتی اور عوامی تحریک حزب اللہ کے سکریٹری جنرل سید حسن نصر اللہ نے کل رات اس جانب اشارہ کرتے ہوئے کہ امریکہ عراق میں قدس بریگیڈ کے کمانڈر جنرل قاسم سلیمانی اور عراق کی عوامی رضا کار فورس الحشد الشعبی کے ڈپٹی کمانڈر ابومہدی المہندس کو شہید کر کے علاقے میں داعش کو دوبارہ فعال اور سرگرم کرنے کی کوشش کر رہا ہے تا کہ وہ علاقے میں اپنی فوجی موجودگی کا جواز فراہم کر سکے۔

سید حسن نصدر اللہ نے صہیونی وزیر اعظم کے اس دعوے پر رد عمل کا اظہار کرتے ہوئے کہ حزب اللہ کا بیروت اور ضاحیہ میں میزائل بنانے والا کارخانہ موجود ہے کہا کہ ہم اپنے میزائلوں کو گھروں میں چھپا کر نہیں رکھتے۔

حزب اللہ کے سیکرٹری جنرل نے لبنان میں فرانس کی مداخلت کی جانب اشارہ کرتے ہوئے کہا کہ فرانس اس کوشش میں ہے کہ لبنان کی اکثریت پیچھے ہٹ جائے اور زمام حکومت اقلیتوں کے ہاتھ میں آ جائے۔

سید حسن نصراللہ نے صہیونی حکومت کے ساتھ امارات اور بحرین جیسے عرب ممالک کے سفارتی تعلقات کی برقراری کی جانب اشارہ کرتے ہوئے کہا کہ صیہونی حکومت کے ساتھ تعلقات کی برقراری میں ان ممالک کے عوام حکومت کے ساتھ نہیں ہیں۔

حزب اللہ کے سکریٹری جنرل نے تیونس اور الجزائر کی جانب سے اسرائیل کے ساتھ تعلقات برقرار نہ کرنے کے فیصلے کو خوش آئند قرار دیتے ہوئے کہا کہ جن لوگوں نے اسرائیل کے ساتھ تعلقات برقرار کئے ہیں وہ جلد ہی اس بات کو سمجھ جائیں گے کہ ان کا فیصلہ غلط تھا۔

انہوں نے اپنی گفتگو کے آغاز پر امیر کویت صباح الاحمد الصباح کے انتقال پر تسلیت پیش کرتے ہوئے کہا کہ شیخ الصباح نے ۸۰ کی دہائی میں لبنان میں خانہ جنگی کو خاتمہ دینے میں کافی کردار ادا کیا۔ اور ۳۳ روزہ جنگ میں صہیونی ریاست کے خلاف ان کے موقف کو لبنان کے عوام کبھی بھول نہیں سکتے۔

۔۔۔۔۔۔۔۔۔۔۔۔۔۔
۲۴۲