افغان صدر پر چیف ایگزیکٹیو کا الزام

اہل بیت(ع) نیوز ایجنسی۔ابنا۔ افغانستان کے چیف ایگزیکٹیو عبداللہ عبداللہ نے ایک انتخابی جلسے میں دعوی کیا کہ اشرف غنی توحیدسینٹر کو جو دہشت گردوں کے خلاف جنگ کے لئے سیکورٹی فورس کو ہم آہنگ کرنے والا  ادارہ ہے اپنی انتخابی مہم کے لئے استعمال کررہے ہیں - انہوں نے اشرف غنی کی انتخابی کمپئین چلانے والی ٹیم پر بھی الزام لگایا کہ وہ ووٹروں میں نقد پیسے تقسیم کررہی ہے - اس درمیان افغان صدر اشرف غنی کے ترجمان صدیق صدیقی نے عبداللہ عبداللہ کے الزامات کو بے بنیاد قرار دیتے ہوئے کہا کہ توحیدسینٹرایک اہم ترین سیکورٹی مرکز ہے اور اس کو صرف سیکورٹی کے معاملات کے لئے  ہی استعمال کیا جاتا ہے - افغانستان میں صدارتی انتخابات اٹھائیس ستمبر کو ہونے والے ہیں -



/129