یمن؛ شہر عدن میں اسلحے کے گودام میں دھماکہ

اہل بیت(ع) نیوز ایجنسی۔ابنا۔ پریس ٹی وی کی رپورٹ کے مطابق یہ دھماکے عدن کی بندرگاہ کے قریب جبل حدید کے علاقے میں ہوئے- یمن کی وزارت صحت کے حکام کے بقول ان دھماکوں کے وقت اس گودام اور اس کے اطراف میں بہت سے افراد موجود تھے- ان دھماکوں میں اب تک کم از کم نو افراد کے جاں بحق ہونے کی اطلاعات موصول ہوئی ہیں- اس علاقے کے باشندوں کے مطابق ان دھماکوں سے بہت سی عمارتوں کے شیشے ٹوٹ گئے اور اس گودام کے پاس واقع کئی عمارتیں تباہ ہو گئیں- اس رپورٹ کے مطابق سابق سوویت یونین کے دور کا بہت سا اسلحہ یہاں ذخیرہ کیا گیا تھا- کہا جاتا ہے کہ اس گودام کے محافظ یمن میں بدامنی میں شدت آنے کے بعد یہاں سے بھاگ گئے تھے- یہ دھماکے ایک ایسے وقت ہوئے ہیں کہ جب یمن پر سعودی عرب اور اس کے اتحادیوں نے ہوائی حملے شروع کر رکھے ہیں-

۔۔۔۔۔۔۔۔۔۔۔۔

۲۴۲