جی ایٹ ممالک کا انتالیسواں سربراہی اجلاس شمالی آئرلینڈ میں شروع

ابنا: جی ایٹ ممالک کا انتالیسواں سربراہی اجلاس شمالی آئرلینڈ میں پیر کو شروع ہوگيا ہے۔ اجلاس سے قبل روس کے صدر نے مغربی ممالک کو شام میں سلفی وہابی دہشت گردوں کی حمایت کرنے پر شدید تنقید کا نشانہ بنایا۔ڈیوڈ کیمرون نے روسی صدر سے ملاقات کے بعد کہا کہ یہ بات کسی ڈھکی چھپی نہیں کہ ان کے اور روسی صدر کے مابین شام کے معاملے پر اختلافات ہیں لیکن دونوں کا مقصد شام میں جاری کشیدگی کو ختم کرنا ہے۔روسی صدر نے کہا کہ شام میں ایسے دہشت گردوں کی حمایت کرنا باعث شرم ہونا چاہیے جو انسانی گوشت کھانے پر فخر اور اپنے اس گھناؤنے عمل کی ویڈيو فلم بھی بناتے ہیں۔ ڈیوڈ کیمرون جو اس اجلاس کے میزبان ہیں جوعالمی معاشی مسائل پر بھی بات چیت کرنے میں دلچسپی رکھتے ہیں۔پیر اور منگل کو ہونے والے اس اجلاس میں کینیڈا، فرانس، جرمنی، اٹلی، جاپان، روس، امریکہ اور برطانیہ شریک ہونگے۔ شمالی آئرلینڈ میں جی ایٹ سربراہی اجلاس کے موقع پر سخت سکیورٹی کے انتظامات کیے گئے ہیں۔ممکنہ مظاہروں سے نمٹنے اور سکیورٹی کے لیے تقریباً آٹھ ہزار پولیس اہلکار تعینات کیے گئے ہیں۔...../169