ايران کے خلاف پابنديوں کي ناکامي

ابنا: تجارت کي عالمي تنظيم ڈبليو ٹي او کي تازہ ترين رپورٹ کے مطابق مغربي طاقتوں کي پابندياں ايران کي برآمدات کو متاثر کرنے ميں ناکام رہي  ہيں –اس رپورٹ ميں کہا گيا ہے کہ ايران کي برآمداتي مصنوعات کي ماليت جو گذشتہ سال برآمد کي گئي ہيں چھيانوے ارب ڈالر رہي ہے –ڈبليو ٹي او نے اپني رپورٹ ميں عالمي تجارت کي شرح نمو ميں صرف دو فيصد اضافہ دکھايا ہے اور رواں سال کے بارے ميں بھي يہي توقع ہے کہ عالمي تجارت کي شرح نمو  تين اعشاريہ تين  فيصد سے اوپر نہيں جاسکے گي - ڈبليو ٹي او نے اپني رپورٹ ميں کہا ہے کہ دنيا ميں پائے جانےوالي کساد بازاري اور تجارت ميں کمزوري کي وجہ سے دنيا کے بيشتر ملکوں نے سپورٹنگ پاليسي اپنانا شروع کردي ہے اور اسي وجہ سے عالمي تجارت ميں شرح نمو کي رفتار کافي سست ہے –ڈبلیو ٹي او کي اس رپورٹ کے مطابق ايران کي برآمدات ميں مغرب کي سخت پابنديوں کے باوجود دو ہزار بارہ ميں ايسي حالت ميں اضافہ ہوا ہے جبکہ اکثر بڑے ملکوں کو بين الاقوامي تجارت ميں خسارے کا سامنا رہا ہے –تجارت کي عالمي تنظيم ڈبليو ٹي او کے مطابق گذشتہ برس چين کي برآمدات دوہزار انچاس ارب ڈالر رہي ہے اور پوري دنيا کي برآمدات ميں اس کا حصہ اٹھارہ اعشاريہ تين فيصد رہا ہے اور دوہزار گيارہ کے مقابلے ميں اس کي برآمدات ميں صرف دو فيصد اضافہ ہوا ہے -

.....

/169