تہران ميں ہندوستاني کلچرل سينٹر کا افتتاح

ابنا: تہران ميں ہندوستاني سفارتخانے ميں ہندوستاني کلچرل سينٹر کي افتتاحي تقريب کے موقع پر نئي دہلي ميں ايران کے سفير غلام رضا انصاري، تہران ميں ہندوستاني سفير ڈي پي شري واستوا اور ہندوستان کي وزارت خارجہ ميں ثقافتي تعلقات کي کونسل کے ڈائريکٹر جنرل لورش گوئن ايران کي پارليمنٹ ميں ثقافتي کميشن کے سربراہ ڈاکٹر حداد عادل اور ديگر شخصيات موجود تھيں۔ اس موقع پر ہندوستاني وزير خارجہ سلمان خورشيد نے اپني تقرير ميں کہا کہ دونوں ملکوں کے درميان ثقافتي تعلقات  انتہائي مضبوط اورتعاون کي سطح بہت اچھي ہے۔ہندوستاني وزير خارجہ سلمان خورشيد نے کہا کہ جس طرح سے دونوں ملکوں کے تاريخي تمدن و تہذيبوں کا آپس ميں گہرا رشتہ رہا ہے اسي طرح عصر حاضر کي تہذيبوں کو بھي ايک دوسرے سے قريب ہونا چاہئے اور اپنے ثقافتي تعلقات کو اسي شان سے جاري رکھنا چاہئے۔تہران ميں ہندوستان کے سفير ڈي پي شري واستوا نے بھي کہا کہ تہران ميں ہندوستاني کلچرل سينٹر کا افتتاح دونوں ملکوں کے دوستانہ تعلقات کا نتيجہ ہے۔ہندوستان کے وزير خارجہ سلمان خورشيد اسلامي جمہوريہ ايران کے تين روزہ سرکاري دورے پر جمعہ کو تہران پہنچے ہيں وہ ايران اور ہندوستان کے مشترکہ اقتصادي کميشن کے اجلاس ميں شرکت کريں گے۔ہندوستاني وزير خارجہ تہران ميں اپنے قيام کے دوران وزير خارجہ علي اکبر صالحي اور ديگر اعلي حکام سے بھي باہمي تعلقات اور دوطرفہ دلچسپي کے معاملات سميت علاقائي اور بين الاقوامي مسائل پر بات چيت کريں گے۔۔۔۔۔۔۔۔۔۔۔۔۔۲۴۲