ایران اور ترکی کے مفادات اور دشمن مشترکہ ہیں: صدر احمدی نژاد

ابنا: اطلاعات کے مطابق صدر مملکت ڈاکٹر محمود احمدی نژاد نے آج تہران میں ترکی کے ترقی و منصوبہ بندی کے وزیر جودت ییلماز سے ملاقات میں اس بات پر زور دیا کہ مشترکہ دشمن دونوں ملکوں کے تعلقات میں فروغ کے مخالف ہیں کیونکہ یہ علاقے میں ان کے مفادات کے نقصان میں ہیں۔ انہوں نے اس بات کی طرف اشارہ کرتے ہوئے کہ ایران اور ترکی ترقی و پیشرفت کے لیے بےپناہ توانائی اور صلاحیت رکھتے ہیں، مزید کہا کہ دونوں طرفہ تعاون میں توسیع اور تعلقات میں فروغ دونوں ملکوں اور پورے علاقے کے مفاد میں ہے۔ترکی کے ترقی اور منصوبہ بندی کے وزیر جودت ییلماز نے بھی اس ملاقات میں اس بات کی طرف اشارہ کرتے ہوئے کہ ایران اور ترکی کی ثقافت اقدار اور ماضی مشترک ہے، کہا کہ علاقائی اور بین الاقوامی میدانوں میں دونوں ملکوں کی سرنوشت ایک دوسرے سے جڑی ہوئي ہے۔ انہوں نے کہا کہ ترکی ایران کے ساتھ اپنے  تجارتی تعلقات کو فروغ دینا چاہتا ہے۔۔۔۔۔۔۔۔۔۔۔۔۔۔۔۔۔۲۴۲