ابنا: روسي وزير خارجہ سرگئي لاؤروف کا کہنا تھا کہ ماسکو اور واشنگٹن کے درميان بات چيت کا مقصد امريکہ کو عالمي قوانين اور اقوام متحدہ کے منشور کے مطابق علمدرآمد کا پابند بنانا ہے-
انہوں نے کہا کہ وہ برلن ميں امريکي وزير خارجہ جان کيري کے ساتھ ملاقات ميں شام کي صورتحال سميت خاص خاص معاملات کو اٹھائيں گے-
وزارت خارجہ کا عہدہ سنبھالنے کے بعد سے جان کيري اور روسي وزير خارجہ سرگئي لاؤ روف کے درميان يہ پہلي باضابطہ ملاقات ہوگي-
روسي وزارت خارجہ کے جاري کردہ اعلاميہ ميں کہا گيا ہے کہ روس اور امريکہ کے وزير خارجہ دو طرفہ معاملات کے علاوہ عالمي مسائل پر بھي تبادلہ خيال کريں گے-
امريکہ اور روس کے تعلقات حاليہ مہينوں کے دوران مشرقي يورپ ميں امريکي ميزائيل شيلڈ کي تنصيب اور کانگريس ميں روس مخالف قانون ميگنيتسکي کي منظوري کے معاملے پر سخت کشيدہ ہوگئے ہيں-
روس نے ميگنيتسکي قانون کے خلاف ديما ياکولوف قانون منظور کيا ہے جس کے تحت انساني حقوق کي خلاف ورزي کرنے والے امريکي عہديداروں کے خلاف پابندياں لگانے کا حکام ديا گيا ہے-
ديما ياکولوف ايک تين سالہ يتيم روسي بچہ تھا جسے اس کے امريکي سرپرست سے تشدد کرکے ہلاک کرديا تھا- اس قانون کے تحت روسي بچوں کو امريکي شہريوں کي سرپرستي ميں دينے پر بھي پابندي لگادي گئي ہے-
.......
/169
