ایران کی جانب سے مصری عوام کو مبارک باد

ابنا: اسلامي جمہوريہ ايران کي وزارت خارجہ نے اپنے ايک بيان ميں مصرکے صدارتي انتخابات ميں اخوان المسلمين کے اميدوار محمد مرسي کي کاميابي پر مبارکباد پيش کرتے ہوئے کہا ہے کہ مصر کي تاريخ ساز قوم نے ملک کے فيصلہ کن انتخابات ميں ذمہ دارانہ طريقے سے حصہ لے کر ايک بار پھر مصري انقلاب کي انصاف پسندانہ امنگوں کو جمہوري طريقے سے عملي جامہ پہنانے کے لئے اپنے مضبوط عزم و ارادے کا اظہار کيا - اس بيان ميں کہا گيا ہے کہ يقيني طور پر  مشرق وسطي کے نئے حالات اور اسلامي بيداري کے اس مرحلے ميں مصري عوام کي آزادي کي تحريک جو اللہ تعالي کي ذات پر توکل اور اپنے قومي ايمان پر بھروسے کے ذريعے اپنے تکميلي مراحل کو طے کررہي ہے، خود مصري عوام کي فداکاريوں کا نتيجہ ہے - ايراني وزارت خارجہ نے اپنے بيان ميں کہا ہے کہ  مصر کے نئے صدر کا انتخاب اس ملک کي ترقي و پيشرفت ميں اہم کردار ادا کرنےکے ساتھ ساتھ نئے دور کے آغاز کا با‏عث بنے گا –مصر کے صدارتي انتخابات ميں محمد مرسي کي کاميابي کے اعلان کےبعد غزہ کے علاقے کے  فلسطينيوں نے سڑکوں پر نکل کر محمدمرسي کي کاميابي کاجشن منايا- خبروں کےمطابق فلسطيني مجاہدين نے مصر ميں اسلام پسند رہنما محمد مرسي کي کاميابي پر خوشي ميں ہوائي فائرنگ بھي کي –...../169