امريکا اور يورپ ميں سرمايہ دارانہ نظام کے خلاف مظاہرے

ابنا: امريکا ميں پوليس کي جانب سے مظاہرين کي سرکوبي کا  سلسلہ بدستور جاري ہے اور منگل کے روز سرمايہ دارانہ نظام کے خلاف پورے ملک ميں ہونے والے مظاہروں کے دوران تيس سے زائد مظاہرين کو گرفتار کر ليا گيا- ان افراد کو يوم محنت کشاں کي مناسبت سے ننانوے فيصد شہريوں کي تحريک کي کال پر پہلي مئي کو امريکا کے تمام چھوٹے بڑے شہروں ميں ہونے والے مظاہروں کے دوران آکلينڈ، نيويارک، لاس اينجلس، سياٹل اور پورٹلينڈ سے گرفتار کيا گيا-    

ننانوے فيصد شہريوں کي تحريک نے اس سے قبل اعلان کيا تھا کہ وہ پہلي مئي کو پورے امريکا ميں مظاہرے کرکے سرمايہ دارانہ نظام اور وال اسٹريٹ کي لالچي اور نامساوي پالسييوں پر اعتراض کرے گي-    

نيويارک کي سٹي کونسل کے متعدد اراکين اور وال اسٹريٹ مخالف تحريک کے کارکنوں نے حال ہي ميں امريکي پوليس پر الزام لگايا ہےکہ وہ مظاہرين کے خلاف طاقت کا استعمال کر رہي ہے-يہ ايسے عالم ميں ہے کہ جب يورپ کے بھي بہت سے شہروں ميں سرمايہ دارانہ نظام کے خلاف مظاہرے ہوئے ہيں اور پوليس کي جانب سے مظاہرين کي سرکوبي کي اطلاعات موصول ہوئي ہيں-   عالمي يوم محنت کشاں کي مناسبت سے لندن ميں ہونے والے ايک بہت بڑے مظاہرے کے بعد سرمايہ دارانہ نظام کے مخالف افراد نے سٹي کے علاقے ميں واقع اسٹاک ايکسچينج کي جانب مارچ کيا اور اس کے قريب واقع پيٹر نوسٹر کے پارک ميں کئي خيمے نصب کر ديئے- جرمني ميں پہلي مئي کي مناسبت سے ہونے والے مظاہروں کا آغاز پرامن رہا اور جرمن مزدوروں اور شہريوں نے صرف مزدوروں کے حقوق کي حمايت ميں اور سماجي انصاف کے حق ميں نعرے  لگائے تاہم دن کے آخري حصے ميں مظاہروں ميں تشدد کا عنصر بھي ديکھنے ميں آيا- برلن ميں دس ہزار سے زائد مظاہرين نے شہر کے مرکزي حصے کي جانب مارچ کرنے کي کوشش کي تاہم پوليس نے ان پر حملہ کر ديا-    فرانس کے ہزاروں لوگوں نے بھي حکومت کي کفايت شعاري کي پاليسي کے نفاذ کے خلاف مظاہرے کيے اور کہا کہ يورپي يونين نے فرانس کے لوگوں پر معاشي کفايت شعاري کي پاليسي مسلط کي ہے-     اسپين، پرتگال، اٹلي اور يونان ميں بھي مزدور يونينوں نے احتجاجي مظاہرے کرکے پورے يورو زون ميں نافذ اقتصادي کفايت شعاري کي پاليسي پر اپني ناراضگي کا اظہار کيا-    امريکا اور يورپ ميں سرمايہ دارانہ نظام کے مخالف افراد نے مظاہرے کرکے مغربي حکومتوں کي معاشي پاليسيوں پر سخت اعتراض کيا ہے اور مطالبہ کيا ہے کہ موجودہ صورتحال کو جلد از جلد تبديل کيا جائے-

.......

/169