ابنا: وزير خارجہ علي اکبر صالحي نے نيويارک ميں اقوام متحدہ کي جنرل اسمبلي کے اجلاس کے موقع پر نميبيا کے وزير خارجہ ڈينيل نوجوما اور تھائي لينڈ کے وزير خارجہ سوراپونگ سے ملاقات کي اور باہمي دلچسپي کے امور پر تبادلہ خيال کيا-
تھائي لينڈ کے وزير خارجہ کے ساتھ ملاقات ميں وزيرخارجہ علي اکبر صالحي نے ايران کي اس خواہش کا اظہار کيا کہ تہران بينکاک کے ساتھ تجارت، معيشت اور سائنس و ٹيکنالوجي سميت تمام شعبوں ميں تعلقات کو فروغ دينا چاہتا ہے- دونوں ملکوں کے وزرائے خارجہ نے اس ملاقات ميں تہران اور بينکاک تعلقات کے فروغ کي مختلف راہوں کا بھي جائزہ ليا- نميبيا کے وزير خارجہ کے ساتھ ملاقات ميں علي اکبر صالحي نے دونوں ملکوں کے درميان مشترکہ اقتصادي کميشن کے قيام کي ضرورت پر زور ديا- اس ملاقات ميں تہران وندھوک کے درميان اقتصادي تعاون بڑھانے کي غرض سے مختلف معاملات کا بھي جائزہ ليا گيا-وزير خارجہ علي اکبر صالحي نے، شام، انڈونيشيا، نائيجريا سوڈان، بلغاريہ، صوماليہ کے وزرائے خارجہ سے بھي ملاقات اور گفتگو کي اور باہمي دلچسپي کے امور پر تبادلہ خيال کيا............
/169
