اسرائیل نے کرامت نامی کشتی پر قبضہ کرلیا ہے

ابنا: الجزیرہ کے حوالے سے نقل کیا ہے کہ اسرائیلی فوجیوں نے غزہ کے محصور فلسطینیوں کے لئے امدادی سامان لے جانے والی کرامت نامی کشتی کو روک کر اس پر قبضہ کرلیا ہے۔ الجزیرہ کے نامہ نگار کے مطابق اسرائیلی فوجی کرامت نامی کشتی کو اشدود بندرگاہ کی طر لے جار ہے ہیں ذرائع کے مطابق 2 گھنٹے میں یہ کشتی اشدود بندر گاہ تک پہنچ جائے گی۔ الجزیرہ کے نامہ نگار عیاش الدراجی کی رپورٹ کے مطابق اس کشتی میں غزہ کے فلسطینیوں کے لئے امدادی سامان لدا ہوا ہے اور اسرائیل جنگی کشتیوں نے کرامت نامی کشتی کو اپنے محاصر میں لے لیا ہے اسرائیلی فوجیوں نے کشتی میں سوار افراد کو دھمکی دی ہے کہ اگر انھوں نے اسرائیل فوجیوں کے حکم کو تسلیم نہ کیا تو ان کے خلاف کارروائی کی جائے گی واضح رہے کہ اسرائیل نے گذشتہ برس بھی غزہ کے مظلوم فلسطینیوں کے لئے امدادی سامان لے جانے والی  آزادی نامی کشتی پر حملہ کیا تھا جس میں متعدد افراد شہید ہوگئے تھے ۔............../169