رامین مہمانپرست: برطانیہ کونامہ نگار کے مشکوک قتل کےبارے میں جواب دینا چاہیے

ابنا: اسلامی جمہوریہ ایران کی وزارت خارجہ کے ترجمان رامین مہمانپرست نے برطانیہ میں حالیہ رسوائی اور ٹیلیفونی مکالمات ریکارڈ کرنے اورسننے پر شدید افسوس کا اظہار کرتے ہوئے کہا ہے کہ اس سلسلے میں برطانوی حکومت کو ایک نامہ نگار کے مشکوک قتل کے بارے میں وضاحت کرنی چاہیے۔ رامین مہمانپرست نے کہا کہ جن وسائل سے بشریت کے فائدے او انسانیت کی خدمت اور فلاح و بہبود میںاستفادہ کرنا چاہیے مغربی ممالک ان وسائل سے بشریت اور انسانیت کے خلاف استفادہ کررہے ہیں۔ انھوں نے کہا کہ عوام کی نجی اور ذاتی زندگی میں جستجو اور تفتیش انسانی حقوق کی خلاف ورزی کا واضح مصداق ہے انھوں نے کہا کہ مغربی ممالک آزادی بیان اور آزادی اظہارسےغلط استفادہ کررہے ہیں۔ ایرانی وزارت خارجہ کے ترجمان نے کہا کہ ہم برطانوی حکومت اورپولیس سے مطالبہ کرتے ہیں کہ وہ نامہ نگار کے مشکوک قتل کے بارے میں عوام کے سامنے وضاحت پیش کریں اور اظہار بیان کی آڑ میں صہیونیوں کو مدد فراہم نہ کریں۔............./169