ایران اور ترکی کے وزرائے خارجہ کی ملاقات، دوطرفہ اور علاقائی امور پر تبادلۂ خیال
اہل بیت نیوز ایجنسی ابنا کی رپورٹ کے مطابق، ایران کے وزیر خارجہ سید عباس عراقچی اور ترکی کے وزیر خارجہ ہاکان فیدان کے درمیان استنبول میں ملاقات ہوئی، جس میں دوطرفہ تعلقات کے ساتھ ساتھ علاقائی اور عالمی امور پر گفتگو کی گئی۔
سید عباس عراقچی آج جمعہ کو اعلیٰ سطحی سیاسی مشاورت کے لیے استنبول پہنچے تھے۔ ملاقات سے قبل صحافیوں سے گفتگو میں انہوں نے کہا کہ یہ دورہ ترکی کے وزیر خارجہ کے چند ماہ قبل ایران کے دورے کے جواب میں طے پایا تھا اور اس کا مقصد دونوں ممالک کے درمیان تعلقات کا جائزہ لینا اور خطے کی موجودہ صورتحال پر مشاورت کرنا ہے۔
ایرانی وزیر خارجہ نے ایران اور ترکی کو دو بڑے ہمسایہ ممالک قرار دیتے ہوئے کہا کہ دونوں کے درمیان سیاسی، اقتصادی، سماجی اور ثقافتی شعبوں میں قریبی تعلقات ہیں اور علاقائی معاملات پر مسلسل رابطہ اور ہم آہنگی جاری رہی ہے۔
انہوں نے خطے میں بڑھتے ہوئے چیلنجز اور امریکہ سمیت بعض فریقوں کے اہداف کا حوالہ دیتے ہوئے کہا کہ موجودہ حالات میں قریبی مشاورت، موقف میں ہم آہنگی اور مسائل سے نمٹنے کے طریقوں پر تبادلۂ خیال ناگزیر ہو چکا ہے۔
آپ کا تبصرہ