چیٹ لیک تنازع، ٹرمپ وزیرِ دفاع پیٹ ہیگستھ کے دفاع میں سامنے آ گئے

اہل بیت(ع) نیوز ایجنسی ـ ابنا / حالیہ تنازع ٹرمپ انتظامیہ کی جانب سے سامنے آنے والے گذشتہ تنازع کے 1 ماہ بعد سامنے آیا ہے، جس میں ٹرمپ انتظامیہ نے جنگ سے متعلق اپنے انتہائی اہم خفیہ منصوبے لاپروائی سے امریکی جریدے کے سینئر صحافی کو بھی بھیج دیے تھے۔
میڈیا رپورٹس کے مطابق وائٹ ہاؤس نے اس تنازع کو پیٹ ہیگستھ اور پینٹاگون کے سربراہ کی ناراض افرادی قوت کے درمیان نوکر شاہی کی لڑائی قرار دے دیا۔
میڈیا رپورٹس کے مطابق صدر ڈونلڈ ٹرمپ نے پیٹ ہیگستھ کی حمایت کرتے ہوئے کہا ہے کہ پیٹ بہت اچھا کام کر رہے ہیں، ہر کوئی ان سے خوش ہے۔
وائٹ ہاؤس کے حکام نے دوسرے سگنل گروپ چیٹ میں فوجی منصوبوں کو شیئر کرنے سے متعلق خبروں کو مسترد کر دیا ہے تاہم اس کی مکمل تردید نہیں کی ہے۔
ٹرمپ نے صحافیوں کو بتایا کہ انہیں اپنے وزیرِ دفاع پر بہت اعتماد ہے اور انہوں نے کوئی خفیہ معلومات شیئر نہیں کیں۔
نکتہ: 
یاد رہے کہ پیٹ ہیگستھ کو امریکہ کے اہل دانش طبقے میں اچھی نظر سے نہیں دیکھا جا رہا ہے اور حال ہی میں ایک امریکی تجزیہ کار لیری سی جانسن (Larry C. Johnson) نے کہا تھا کہ "پیٹ ہیگستھ ایک مخبوط اور  نا عاقبت اندیش اور احمق شخص ہے۔ وہ خود حقیقی خطرہ ہے۔ اس کو یہ عہدہ سونپنا حماقت اور بے وقوفی ہے۔ جو بھی ڈونلڈ ٹرمپ کہتا ہے وہ کر گذرتا ہے۔ وہ عقل والا آدمی نہیں اور ٹرمپ کو حقائق سے آگاہ نہیں کر سکتا، اس کو صحیح تجویز نہیں دے سکتا اور اس کو ہوشیار نہیں کر سکتا"۔ 
۔۔۔۔۔۔۔۔۔۔۔۔۔۔۔۔۔
110