اوٹاوا: ٹیرف لگانے پر کینیڈا کا امریکہ کو کرارا جواب

اہل بیت(ع) نیوز ایجنسی ـ ابنا | برطانوی ذرائع کی رپورٹ کے مطابق  کینیڈا کا کہنا ہے کہ اس نے  پڑوسی ملک کی جانب سے اسی طرح کے اقدام کے خلاف جوابی کارروائی کرتے ہوئے امریکہ سے گاڑیوں کی بعض درآمدات پر 25 فیصد ٹیرف لگانا شروع کر دیا ہے۔

رپورٹ کے مطابق یہ نئے عائد کردہ محصولات یا درآمدی ٹیکس وہ کینیڈین شہری ادا کریں گے جو امریکہ سے گاڑیاں یا ان کے پرزے خریدتے ہیں۔

اس اقدام کی تصدیق کرتے ہوئے کہ نئے ٹیکس بدھ کی آدھی رات کے بعد نافذ العمل ہوجائیں گے۔

کینیڈا کے وزیر خزانہ Francois-Philippe Champagne نے کہا کہ ان کا ملک غیرضروری اور "نامعقول" محصولات کا جواب دے رہا ہے۔

دوسری بار اقتدار میں واپس آنے کے بعد امریکی صدر ڈونلڈ ٹرمپ نے مخلتف ممالک پر بھاری ٹیکسز عائد کرنے کا اعلان کیا ہے، جس کا ہدف کینیڈا سمیت امریکہ کے کچھ اہم تجارتی شراکت دار بن رہے ہیں۔

امریکی صدر کا دعویٰ ہے کہ وہ عالمی تجارت سے  غیر منصفانہ رواج کو دور کریں گے۔

۔۔۔۔۔۔۔۔

110