اٹلانٹک کونسل کا امریکہ کے خلاف موجودہ سب سے بڑے خطرے کا اعلان

اہل بیت(ع) نیوز ایجنسی ـ ابنا ـ کے مطابق، اٹلانٹک کونسل میں یوریشیا سینٹر کے سینئر ڈائریکٹر جان بی ہربسٹ (John E. Herbst) نے یوکرین کی تازہ ترین صورت حال کے حوالے سے نو منتخب امریکی صدر ڈونلڈ ٹرمپ کی پالیسیوں  پر روشنی ڈالتے ہوئے کہا کہ امریکہ، نیٹو اور وائٹ ہاؤس کے دیگر اتحادیوں کی قومی سلامتی کے لئے سب سے بڑا خطرہ روس، چین، ایران اور شمالی کوریا کی بڑھتی ہوئی مضبوط شراکت ہے۔

ان کا کہنا تھا کہ اس خطرے کا مرکز یوکرین ہے اور روسی صدر ولادیمیر پیوٹن کے اقدامات مزید اشتعال انگیزی اور خطے میں ایک بڑی جنگ کا باعث بن سکتے ہیں۔

بین الاقوامی تعلقات کے ماہر نے کہا کہ یوکرین میں روس کی فتح کا امکان اب یورپ میں شمالی کوریا کے فوجی دستوں کی موجودگی سے روشن ہوگیا ہے اور  اسی وجہ سے چین تائیوان کی طرف پیشقدمی شروع کر دے گا۔

ہربسٹ، جو یوکرین میں امریکی سفیر بھی تھے، نے کہا کہ یہ واضح نہیں ہے کہ ٹرمپ اس چیلنج کو پوری طرح سمجھتے ہیں، لیکن اس بات سے قطع نظر کہ وہ ایسا کرتے ہیں یا نہیں، ان کی انتظامیہ کو اس خطرے کا جواب ضرور دینا چاہئے اور اس حوالے سے سب سے اہم میدان یوکرین ہے۔

۔۔۔۔۔۔۔۔

110