آل انڈیا مجلس اتحاد المسلمین: ہندوستان نہ کبھی ہندو راشٹر تھا اورنہ بنے گا

اہل بیت(ع) نیوز ایجنسی۔ابنا۔ آل انڈیا مجلس اتحاد المسلمین (اے آئی ایم آئی ایم) کے سربراہ اورحیدرآباد کے رکن پارلیمنٹ اسد الدین اویسی نے راشٹریہ سیوم سیوک سنگھ (آرایس ایس) کے سربراہ موہن بھاگوت کےاس تبصرہ پرٹوئٹ کیا ہے، جس میں انہوں نےکہا تھا کہ ہندوستان ہندو راشٹرہے۔

اسد الدین اویسی نےکہا کہ بھاگوت ہندوستان کوہندو نام دے کر تاریخ نہیں مٹا سکتے۔ یہ کام نہیں کرے گا۔ وہ اس بات پرزورنہیں دے سکتے ہیں کہ ہماری تہذیب، عقائد، علاقہ اور ذاتی شناخت سبھی ہندو مذہب سےمنسلک ہیں۔ ہندوستان نہ کبھی ہندوراشٹرتھا، نہ ہےاورنہ کبھی بنے گا ۔

واضح رہے کہ منگل کوناگپورکے ریشمی باغ میں اپنےخطاب میں آرایس ایس سربراہ موہن بھاگوت نےکہا تھا کہ قوم کی شان کے لئےکام کررہے سبھی ہندوستانی 'ہندو' ہیں۔ آرایس ایس سربراہ نےکہا تھا کہ آرایس ایس اپنےاس نظریے پرقائم ہے کہ ہندوستان ایک ہندو راشٹر ہے۔/



/129