28 ستمبر 2019 - 11:14
سعودی خصوصی طیارے کا الیکٹرک نظام فیل/طیارہ فنی خرابی کے بعد واپس نیویارک جے ایف کے ائیرپورٹ پر لینڈ کرگیا

پاکستان کے وزیراعظم عمران خان وطن واپسی کے لئے سعودی عرب کے خصوصی طیارے میں سوار تھے طیارے کا الیکٹرک نظام مکمل طور پر فیل ہوگیا جس کے باعث سعودی جہاز دوبارہ امریکہ موڑدیا گیا۔

اہل بیت (ع) نیوز ایجنسی ۔ ابنا ۔ کی رپورٹ کے مطابق پاکستانی وزیراعظم عمران خان نیویارک سے واپس پاکستان روانہ ہونے کے لیے سعودی خصوصی طیارے میں سوارتھے کہ اڑان بھرنے کے بعد طیارے کا الیکٹرک نظام مکمل طورپرفیل ہوگیا۔ طیارہ فنی خرابی کے بعد واپس نیویارک جے ایف کے ائیرپورٹ پر لینڈ کرگیا۔
ذرائع کے مطابق فنی خرابی کے باعث طیارے کی لینڈنگ بھی مشکل سے کی گئی ہے۔ وزیراعظم عمران خان واپس روزویلٹ ہوٹل پہنچ گئے، طیارے کی تکنیکی خرابی دورکرنے کے بعد وزیراعظم آج رات امریکہ سے وطن واپس روانہ ہونگے تاہم وزیراعظم کمرشل طیارے میں واپس آئیں گے یا سعودی طیارے میں یہ فیصلہ صبح کیا جائے گا۔

مبصرین نے اس واقعہ پر بہت سے سوالات اٹھا دیئے ہیں کہ کیا سعودی عرب نے اپنے خصوصی طیارے کے ذریعہ پاکستان کے وزیر اعظم عمران خان کو قتل کرنے کی کوشش کی ہے ؟ اور کیا سعودی عرب اپنی اس کوشش میں ناکام ہوگیا ہے؟ اور کیا سعودی عرب نے یہ کام اسرائیل اور مودی کو خوش کرنے کے لئے کیا؟ اس واقعہ کے بعد بہت سے سوال جنم لے رہے ہیں ۔ پاکستانی وزیر اعظم کو یہی مشورہ ہے کہ وہ سعودی عرب کی خام دوستی سے بیدار اور ہوشیار رہیں اور کسی خوش فہمی میں مبتلا نہ رہیں ۔ سعودی عرب اس سے قبل لیبیا کے سابق صدر معمر قذافی کو قتل کرواچکا ہے، سعودی عرب نے عراق کے سابق معدوم صدر صدام کو قتل کروانے میں بھی کلیدی کردار ادا کیا، سعودی عرب نے ترک صدر اردوغان کو بھی فوجی کودتا کے ذریعہ قتل کروانے کی کوشش کی، سعودی عرب نے مصر کے سابق صدر محمد مرسی کو بھی راستے سے ہٹانے کے لئے بنیادی کردار ادا کیا اور اس نے معروف سعودی صحافی جمال خاشقجی کو بھی ترکی میں اپنے قونصل خانے میں بہیمانہ اور وحشیانہ طور پر قتل کروادیا تھا جس کا اعتراف آپ کے قریبی ساتھی اور سعودی عرب کے ولیعہد محمد بن سلمان بڑے فخر کے ساتھ کرچکے ہیں۔

.......

/169