افغانستان میں امریکی اتحادی افواج کے حملوں میں متعدد افراد جاں بحق

اہل بیت(ع) نیوز ایجنسی۔ابنا۔ مقامی ذرائع کے حوالے سے خبر دی ہے کہ امریکی اتحادی افواج کے فضائی حملوں میں کم ازکم 34 افغان شہری جاں بحق اور متعدد دیگر زخمی ہوگئے ہیں۔

غیرملکی افواج نے دعویٰ کیا ہے کہ مارے جانے والے تمام افراد کا تعلق دہشت گرد گروہ سے تھا۔ جبکہ آزاد ذرائع سے اس بات کی تصدیق نہیں ہوسکی ہے۔

خیال رہے کہ افغانستان کے مختلف علاقوں میں امریکی جارح فوج شہریوں کا قتل عام کرتی رہتی ہے اور کابل حکومت خاموش تماشائی بنی ہوئی ہے۔ امریکی حکام افغانستان میں عام شہریوں کی ہلاکتوں کو چھپانے کی کوشش کرتے ہیں اور کابل حکام بھی ان کے سامنے مکمل طور پر بے بس نظر آتے ہیں۔

رپورٹ کے مطابق افغانستان کی کسی بھی عدالت کو امریکی افواج کے خلاف کارروائی کرنے کا کوئی حق نہیں ہے۔




/129