اہل بیت(ع) نیوز ایجنسی۔ابنا۔ ﺷﮩﺎﺩﺕ ﻣﻈﻠﻮﻣﺎﻧﮧ ﺣﻀﺮﺕ ﺍﻣﺎﻡ ﻣﻮﺳﯽٰ ﮐﺎﻇﻢ ﻋﻠﯿﮧ ﺍﻟﺴﻼﻡ ﮐﯽ ﻣﻨﺎﺳﺒﺖ ﺳﮯ 2 ﺍﭘﺮﯾﻞ ﺑﺮﻭﺯ ﺳﮧ ﺷﻨﺒﮧ ﻭﺍﺩﯼ ﮐﮯ ﻣﺨﺘﻠﻒ ﻣﻘﺎﻣﺎﺕ ﭘﺮ ﻣﺠﺎﻟﺲ ﻭ ﺍﺟﺘﻤﺎﻋﺎﺕ ﮐﺎ ﺍﻧﻌﻘﺎﺩ ﮐﯿﺎ ﮔﯿﺎ۔ ﺍﺱ ﺳﻠﺴﻠﮧ ﻣﯿﮟ ﺳﺐ ﺳﮯ ﺑﮍﯼ ﺍﻭﺭ ﺗﺎﺭﯾﺨﯽ ﻣﺠﻠﺲ ﻣﺮﮐﺰﯼ ﺍﻣﺎﻡ ﺑﺎﺭﮔﺎﮦ ﺁﯾﺖ ﺍﻟﻠﮧ ﯾﻮﺳﻒؒ ﺷﺎﺭﻉ ﻓﻀﻞؒ ﺍﻟﻠﮧ ﺑﻤﻨﮧ ﻣﯿﮟ ﻣﻨﻌﻘﺪ ﮨﻮﺋﻰ ﺟﺲ ﻣﯿﮟ ﻭﺍﺩﯼ ﮐﮯ ﮔﺮﺩﻭﻧﻮﺍ ﺳﮯ ﺁﺋﮯ ﮨﺰﺍﺭﻭﮞ ﻋﻘﯿﺪﺕ ﻣﻨﺪﻭﮞ ﻧﮯ ﺷﺮﮐﺖ ﮐﺮﮐﮯ ﺍﻣﺎﻡؑ ﻣﻈﻠﻮﻡ ﮐﻮ ﺧﺮﺍﺝ ﻋﻘﯿﺪﺕ ﭘﯿﺶ ﮐﯿﺎ۔ ﻣﺠﻠﺲ ﺳﮯ ﺧﻄﺎﺏ ﮐﺮﺗﮯ ﮨﻮﺋﮯ ﺣﺠﺖ ﺍﻟﺴﻼﻡ ﻭﺍﻟﻤﺴﻠﻤﯿﻦ ﺁﻏﺎ ﺳﯿﺪ ﻣﺤﻤﺪ ﮬﺎﺩﯼ ﺍﻟﻤﻮﺳﻮﯼ ﻧﮯ ﺍﻣﺎﻡ ﻋﺎﻟﯽ ﻣﻘﺎﻡ ﮐﯽ ﺣﯿﺎﺕ ﻃﯿﺒﮧ ﭘﺮ ﻣﻔﺼﻞ ﺭﻭﺷﻨﯽ ﮈﺍﻟﺘﮯ ﮨﻮﺋﮯ ﮐﮩﺎ ﮐﮧ ﺍﻣﺎﻡ ﮐﯽ ﺣﯿﺎﺕ ﻋﺎﻟﻢ ﺍﺳﻼﻡ ﮐﮯ ﻟﺌﮯ
ﻣﺸﻌﻞ ﺭﺍﮦ ﮨﮯ۔ ﺍﻧﮩﻮﮞ ﻧﮯ ﮐﮩﺎ ﮐﮧ ﺍﻣﺎﻡ ﻋﺎﻟﯽ ﻣﻘﺎﻡ ﻧﮯ ﻣﺸﮑﻼﺕ ﺍﻭﺭ ﻣﺼﯿﺒﺘﻮﮞ ﮐﮯ ﺑﺎﻭﺟﻮﺩ ﻋﻠﻮﻡ ﻭ ﺗﻌﻠﯿﻤﺎﺕ ﺍﺳﻼﻣﯽ ﮐﯽ ﺗﺮﻭﯾﺞ ﻭ ﺍﺷﺎﻋﺖ ﮐﻮ ﺟﺎﺭﯼ ﺭﮐﮭﺎ ﺍﻭﺭ ﺳﺎﺗﮫ ﮨﯽ ﺳﺎﺗﮫ ﺣﮑﻮﻣﺖ ﻋﺒﺎﺳﯽ ﮐﮯ ﻃﺎﻏﻮﻃﯽ ﻧﻈﺎﻡ ﮐﮯ ﺧﻼﻑ ﺁﻭﺍﺯ ﺣﻖ ﺑﻠﻨﺪ ﮐﺮﺗﮯ ﺭﮨﮯ۔
ﺍﻧﮩﻮﮞ ﻧﮯ ﮐﮩﺎ ﮐﮧ ﺍﻣﺎﻡ ﻧﮯ ﺍﭘﻨﯽ ﭘﻮﺭﯼ ﺯﻧﺪﮔﯽ ﺍﺳﻼﻡ ﮐﯽ ﺳﺮﺑﻠﻨﺪﯼ ﮐﮯ ﻟﺌﮯ ﻭﻗﻒ ﮐﯽ۔ ﻣﻮﺻﻮﻑ ﻧﮯ ﮐﮩﺎ ﮐﮧ ﺍﻣﺎﻡ ﻣﻮﺳﯽٰ ﮐﺎﻇﻢؑ ﮐﺎ ﺩﻭﺭ ﺗﺎﺭﯾﺦ ﺍﺳﻼﻡ ﺑﺎﻟﺨﺼﻮﺹ ﺗﺎﺭﯾﺦ ﺗﺸﯿﻌﮧ ﮐﺎ ﺍﮨﻢ ﺗﺮﯾﻦ ﺩﻭﺭ ﮨﮯ ﺟﺲ ﻣﯿﮟ ﺷﯿﻌﻮﮞ ﮐﻮ ﺗﻘﺴﯿﻢ ﮐﺮﻧﮯ ﮐﯽ ﻣﻀﻤﻮﻡ ﺳﺎﺯﺷﯿﮟ ﺭﭼﯽ ﮔﺌﯽ ﺍﻭﺭ ﻧﺌﮯ ﻓﺮﻗﮯ ﻣﻌﺮﺽ ﻭﺟﻮﺩ ﻣﯿﮟ ﺁﺋﮯ۔ ﺍﺱ ﺩﻭﺭ ﻣﯿﮟ ﻋﺒﺎﺳﯽ ﺳﻠﻄﻨﺖ ﻧﮯ ﺍﻣﺎﻡ ﮐﮯ ﺷﯿﻌﻮﮞ ﺑﺎﻟﺨﺼﻮﺹ ﺳﺎﺩﺍﺕ ﮐﺮﺍﻡ ﭘﺮ ﺍﻧﺘﮩﺎﺋﯽ ﻣﻈﺎﻟﻢ ﮈﮬﺎﮮ ﺍﻭﺭ ﮔﻠﺴﺘﺎﻥ ﺯﻫﺮﺍؑ ﮐﮯ ﮔﻠﻮﮞ ﮐﻮ ﯾﺎ ﺗﻮ ﻗﯿﺪ ﺧﺎﻧﻮﮞ ﻣﯿﮟ ﮈﺍﻻ ﮔﯿﺎ ﯾﺎ ﺩﯾﻮﺍﺭﻭﮞ ﻣﯿﮟ ﺯﻧﺪﻩ ﭼﻨﻮﺍﯾﺎ ﮔﯿﺎ۔ ﺍﻧﮩﯽ ﻧﺎﻣﺼﺎﻋﺪ ﺣﺎﻻﺕ ﻣﯿﮟ ﺍﻣﺎﻡ ﻋﺎﻟﯽ ﻣﻘﺎﻡ ﻧﮯ ﺗﻌﻠﯿﻢ ﻭ ﺗﺒﻠﯿﻎ ﮐﺎ ﮐﺎﻡ ﺟﺎﺭﯼ ﺭﮐﮭﺎ ﺍﻭﺭ ﺍﺱ ﻋﻈﯿﻢ ﺩﺍﻧﺸﮕﺎﮦ ﺟﻮﮐﮧ ﺁﭖ ﮐﮯ ﭘﺪﺭ ﺑﺰﺭﮔﻮﺍﺭ ﺣﻀﺮﺕ ﺍﻣﺎﻡ ﺟﻌﻔﺮ ﺻﺎﺩﻕؑ ﻧﮯ ﻗﺎﺋﻢ ﮐﯽ ﺗﮭﯽ ﺍﺱ ﮐﯽ ﻧﮧ ﺻﺮﻑ ﺣﻔﺎﻇﺖ ﮐﯽ ﺑﻠﮑﮧ ﺁﺳﻤﺎﻥ ﺍﺳﻼﻡ ﮐﻮ ﺍﯾﺴﮯ ﻋﻠﻤﻰ ﺳﺘﺎﺭﮮ ﻋﻄﺎ ﮐﺌﮯ ﮐﮧ ﺟﻨﮩﻮﮞ ﻧﮯ ﺍﭘﻨﮯ ﻋﻠﻢ ﻭ ﻋﺮﻓﺎﻥ ﺳﮯ ﻣﻨﺎﻇﺮﻭﮞ ﻣﯿﮟ ﻓﺘﻮﺣﺎﺕ ﮐﮯ ﺟﮭﻨﮉﮮ ﮔﮭﺎﮌﮮ ﺍﻭﺭ ﺩﺷﻤﻨﺎﻥ ﺍﺳﻼﻡ ﮐﻮ ﺷﮑﺴﺖ ﺩﮮ ﮐﺮ ﺍﻭﺭ ﺍﺳﻼﻣﯽ ﻋﻠﻮﻡ ﻭ ﺗﻌﻠﯿﻤﺎﺕ ﮐﻮ ﭘﻮﺭﯼ ﺩﻧﯿﺎ ﻣﯿﮟ ﺭﺍﺋﺞ ﮐﯿﺎ۔ ﺻﺪﺭ ﻣﻮﺻﻮﻑ ﻧﮯ ﮐﮩﺎ ﻣﻮﺟﻮﺩﮦ ﺩﻭﺭ ﺍﻣﺎﻡ ﻋﺎﻟﯽ ﻣﻘﺎﻡ ﮐﮯ ﺩﻭﺭ ﺳﮯ ﻣﺨﺘﻠﻒ ﻧﮩﯿﮟ ﺟﺲ ﻃﺮﺡ ﺍﻧﮑﮯ ﺩﻭﺭ ﻣﯿﮟ ﺳﺎﺯﺷﯽ ﻋﻨﺎﺻﺮ ﺍﻣﺖ ﺍﺳﻼﻣﯽ ﮐﮯ ﺑﺎﮨﻤﯽ ﺍﺗﺤﺎﺩ ﮐﻮ ﭘﺎﺵ ﭘﺎﺵ ﮐﺮ ﺭﮨﮯ ﺗﮭﮯ ﺍﺳﯽ ﻃﺮﺡ ﻣﻮﺟﻮﺩﮦ ﺯﻣﺎﻧﮯ ﻣﯿﮟ ﺑﮭﯽ ﺩﺷﻤﺎﻥ ﺍﺳﻼﻡ ﻭ ﺍﮨﻠﺒﯿﺖ ؑ ﻣﻠﺖ ﮐﮯ ﺍﺗﺤﺎﺩ ﮐﻮ ﭘﺎﺭﮦ ﭘﺎﺭﮦ ﮐﺮ ﺭﮨﮯ ﮨﯿﮟ۔ ﺁﻏﺎ ﺻﺎﺣﺐ ﻧﮯ ﮐﮩﺎ ﮐﮧ ﺍﺱ ﺯﻣﺎﻧﮯ ﻣﯿﮟ ﺿﺮﻭﺭﺕ ﺍﺱ ﺑﺎﺕ ﮐﯽ ﮨﮯ ﮐﮧ ﺍﻣﺎﻡ ﻋﺎﻟﯽ ﻣﻘﺎﻡ ﮐﯽ ﺳﯿﺮﺕ ﺍﻭﺭ ﺍﺻﻮﻟﻮﮞ ﭘﺮ ﻋﻤﻞ ﭘﯿﺮﺍ ﮨﻮ۔ ﺍﻧﮩﻮﮞ ﻧﮯ ﮐﮩﺎ ﺍﻣﺎﻡ ﮐﺎﻇﻢؑ ﻧﮯ ﺷﺪﯾﺪ ﻣﺼﺎﺋﺐ ﻭ ﻣﺸﮑﻼﺕ ﮐﮯ ﺩﻭﺭ ﻣﯿﮟ ﺍﺳﻼﻡ ﮐﮯ ﭘﺮﭼﻢ ﮐﻮ ﺑﻠﻨﺪ ﺭﮐﮭﺎ ﺍﻭﺭ ﺍﻣﺖ ﮐﻮ ﺍﺗﺤﺎﺩ ﻭ ﺍﺗﻔﺎﻕ ﺳﮯ ﺭﮨﻨﮯ ﮐﯽ ﺗﻠﻘﯿﻦ ﮐﯽ۔ ﺻﺪﺭ ﻣﻮﺻﻮﻑ ﻧﮯ ﮐﮩﺎ ﮐﮧ ﺣﮑﻮﻣﺖ ﻋﺒﺎﺳﯽ ﻧﮯ ﺍﻣﺎﻡ ﮐﻮ 14 ﺳﺎﻝ ﺗﮏ ﻗﯿﺪ ﺧﺎﻧﮯ ﻣﯿﮟ ﺑﻨﺪ ﮐﺮﮐﮯ ﺑﻼﺁﺧﺮ ﺍﻧﮑﻮ ﺍﯾﮏ ﺳﺎﺯﺵ ﮐﮯ ﺗﺤﺖ ﺯﮨﺮ ﺩﯾﮑﺮ ﺷﮩﯿﺪ ﮐﯿﺎ۔ ﻣﺠﻠﺲ ﮐﮯ ﺍﺧﺘﺘﺎﻡ ﭘﺮ ﺟﻠﻮﺱ ﺷﺒﯿﮩﮧ ﺗﺎﺑﻮﺕ ﺑﺮﺁﻣﺪ ﮨﻮﺍ۔
۔۔۔۔۔۔۔۔۔۔۔۔۔۔۔۔۔۔
۲۴۲
