اہل بیت (ع) نیوز ایجنسی ۔ ابنا ۔ کی رپورٹ کے مطابق حزب اللہ نے لبنان کے جنوبی علاقے میں پہلی مرتبہ فوجی ساز و سامان پر مشتمل نمائش منعقد کی ہے۔ اس نمائش میں حزب اللہ لبنان کی ائیرفورس نے گذشتہ سالوں میں اپ گریڈ کئے گئے اپنے جدید اسلحہ کو نمائش پر لگایا ہے۔ حزب اللہ ائیرفورس کے جدید اسلحہ میں مختلف ڈرون طیارے ہیں جو مختلف اہداف کیلئے آپریشنل حالت میں موجود ہیں۔
حزب اللہ کے نزدیکی اخباری ذرائع العہد نیوز کے مطابق لبنان میں اسلامی مزاحمت نے اپنی آیندہ نسلوں کی حفاظت ، دفاع اور اپنی شرعی ذمہ داری کو انجام دینے کیلئے مختلف اقدامات انجام دیئے ہیں۔ انہی اقدامات میں سے ایک ملیتا نامی جہادی و سیاحتی نمائش ہے، اس نمائش میں حزب اللہ کے جدید اسلحہ اور غنیمت میں حاصل کئے گئے فوجی ساز و سامان کو نمائش پر لگایا گیا ہے۔
نیوز ایجنسی کے مطابق اس نمائش میں جدید ترین ڈرون طیاروں کو بھی رکھا گیا ہے جن کو تاریخ میں پہلی بار حزب اللہ ائیرفورس کے نام سے پیش کیا گیا ہے۔ اس پہلے اس نمایش میں صرف مرصاد ۱ اور مرصاد ۲ نامی ڈرون طیارے اور سام میزائل رکھے جاتے تھے لیکن اس دفعہ لگائی جانے والی نمائش میں مختلف اقسام کے میزائل اور ڈرون طیارے عوام کو دکھانے کیلئے رکھے گئے ہیں۔ ان جدید میزائلوں اور ڈرون طیاروں کو حزب اللہ نے 2017ء میں جرود نامی علاقے کی آزادی کیلئے مخصوص آپریشن میں استعمال کیا تھا۔ نمائش میں ایسے ڈرون طیارے بھی رکھے گئے ہیں جو حزب اللہ نے اسرائیلی فوج سے غنیمت کے طور پر چھینے ہیں۔
۔۔۔۔۔۔۔
/169
