اہل بیت(ع) نیوز ایجنسی ۔ ابنا ۔ کی رپورٹ کے مطابق اسرائیل کا سابق صدر شمعون پیریز 83 برس کی عمر میں انتقال کرگیا ہے اور اس کے ڈاکٹر نے موت کی تصدیق کردی ہے۔ اطلاعات کے مطابق نوبل انعام یافتہ شعون پیریز کے داماد رفیع والدین نے بتایا کہ اس کا انتقال منگل کی شب رات 3 بجے کے قریب ہوا تاہم انہوں نے مزید کوئی تفصیلات نہیں بتائیں اور کہا کہ اس حوالے سے جلد پریس کانفرنس منعقد کی جائے گی۔
واضح رہے کہ شمعون پیریز پر 13 ستمبر کو فالج کا حملہ ہوا تھا جس کے بعد سے وہ تل ابیب کے ہسپتال میں زیر علاج تھا۔اسے انتہائی نگہداشت کے وارڈ میں مصنوعی تنفس اور سکون بخش ادویات دیئے جارہے تھے۔
یاد رہے کہ شمعون پیریز اسرائیل کے تقریباً ہر اہم عہدے پر فائز رہ چکا ہے، وہ دو بار اسرائیل کا وزیر اعظم اور صدر رہ چکا ہے۔ پیریز نے اپنے دور میں فلسطینی تحریک آزادی کو دبانے اور ہزاروں فلسطینیوں کو قتل کرنے کے سنگين جرائم کا ارتکاب کیا۔
.......
/169
