اہل بیت(ع) نیوز ایجنسی ۔ ابنا ۔ کی رپورٹ کے مطابق پاکستان کی "بائیکو ریفائنری" کے چیف فائننشیئل آفیسر "اسد صدیقی" نے ایک پریس کانفرنس میں کہا ہے کہ اس ملک کی ریفائنریوں کا ڈھانچہ ایران کے خام تیل کے لئے پوری طرح مناسب ہے اور ہمیں بہت امید ہے کہ ایران، پاکستان کے لئے اپنے برآمداتی خام تیل کی قیمت میں چھوٹ دے کر ہمیں تیل برآمد کرنے والا اہم ملک بن جائے گا- انھوں نے کہا کہ "بائیکو ریفائنری" میں پاکستان میں خام تیل ریفائن کرنے کی سب سے زیادہ صلاحیت موجود ہے اور یہ امکان پایا جاتا ہے کہ پاکستان کی اس سب سے بڑی ریفائنری کو ایران سے کم قیمت پر تیل حاصل ہو جائے گا- "اسد صدیقی" نے اس بات کا ذکر کرتے ہوئے کہ دوسری ریفائنریوں کا ایران سے تیل درآمد کرنے کا ایک سال کا معاہدہ ہے کہا کہ یہ امکان بھی پایا جاتا ہے کہ ایران پاکستان کی تمام ریفائنریوں کو کم قیمت پر خام تیل برآمد کرے- بائیکو آئل کمپنی پہلے ایران سے خام تیل درآمد کرتی تھی لیکن پاکستان پر امریکی دباؤ کے سبب مذکورہ کمپنی نے ایران سے تیل لینا بند کردیا تھا- بائیکو آئل کمپنی میں روزانہ ایک لاکھ پچپن ہزار بیرل خام تیل ریفائن کرنے کی صلاحیت موجود ہے-
.......
/169
