ابنا: سالم سلامہ نے حضرت امام خمینی کی پچيسویں برسی کے موقع پر گفتگو میں کہا کہ امام خمینی نے مسئلہ فلسطین کی طرف توجہ مبذول کروانے میں نہایت اہم کردار ادا کیا ہے اور آپ اپنی تقریروں میں صہیونی ریاست کے سرطانی رسولی ہونے اور اس کی نابودی پر تاکید فرمایا کرتے تھے۔ فلسطین کی قانون ساز اسمبلی میں حماس کے نمائندے نے کہا کہ امام خمینی جو صہیونی ریاست کو فساد کی جڑ قراردیا کرتے تھے اس سے قدس کی غاصب حکومت لرزہ براندام ہوجایاکرتی تھی۔ سالم سلامہ نے کہا کہ اسلامی جمہوریہ ایران نے فلسطینی کاز کو دوبارہ زندہ کرنے اور اقوام متحدہ میں اسے مبصر رکن کی حیثیت دلانے میں اہم کردار ادا کیا ہے۔ امام خمینی کی برسی چودہ خرداد مطابق چار جون کو منائي جاتی ہے۔
.......
/169
