مجلس خبرگان رہبری کے نمائندوں کی بانی انقلاب کے مزار پر حاضری

ابنا: اسلامی جمہوریہ ایران میں رہبرکا انتخاب کرنے والی کونسل مجلس خبرگان رہبری نے آج بانی انقلاب اسلامی ایران حضرت امام خمینی قدس سرہ کے مزار پر حاضری دے کر فاتحہ پڑھی اور آپ کی راہ پر گامزن رہنے کا عہد کیا۔ مجلس خبرگان رہبری کا پندرہواں اجلاس گذشتہ روز اختتام پذیر ہوا۔ اس اجلاس کے اختتامی بیان میں تاکید کی گئي ہے کہ اسلامی نظام کے تمام کارکنوں کو خواہ وہ کسی بھی عہدے پر کیوں نہ ہوں، اسلامی ثقافت کی پاسداری کرتے ہوئے سامراج کی تشہیراتی یلغار کا ڈٹ کر مقابلہ کرنا چاہیئے کیونکہ سامراج اس طرح سے ملت ایران کے دینی اور قومی عقائد کو نشانہ بنا رہا ہے۔ مجلس خبرگان رہبری نے اپنے بیان میں علاقے کے تمام ملکوں سے مطالبہ کیا ہے کہ سامراج کی تفرقہ انگيز سازشوں کےمقابلے میں ہوشیار رہیں۔۔۔۔۔۔۔۔۔۔۔۔۔۔۔۔۔۲۴۲