ابنا: اقوام متحدہ کے سکريٹري جنرل بان کي مون نے بحريني حکام سے کہا ہے کہ وہ انساني حقوق کے سلسلے ميں عالمي قوانين کي پاسداري کريں -سکريٹري جنرل بان کي مون نے ايک بيان جاري کرکے مظاہرين پر آل خليفہ حکومت کے تشدد پر اپني گہري تشويش کا اظہار کرتے ہوئے کہا کہ ہم بحرين کي صورتحال پر تشويش کے ساتھ نظر رکھے ہوئے ہيں انہوں نے کہا کہ ہميں افسوس کے ساتھ يہ بات کہني پڑتي ہے کہ بحرين ميں عوامي تحريک کوتين سال کا عرصہ گذرجانے کے بعد بھي خليج فارس کے اس ملک ميں کشيدگي جوں کي توں باقي ہے - اقوام متحدہ کے سکريٹري جنرل بان کي مون نے بحريني عوام کے حقوق کي رعايت کي اہميت پر زور ديتے ہوئے بحريني حکام سے کہا کہ وہ انساني حقوق کے بارے ميں بين الاقوامي قوانين کے مطابق عمل کريں - بحرين ميں مظاہرين کو سختي کے ساتھ کچلے جانے کے بارے ميں بان کي مون نے اپني تشويش کا اظہار ايک ايسے وقت کيا ہے جب آل خليفہ حکومت کي سيکورٹي فورس کے اہلکاروں نے چودہ فروري کو جو بحريني عوام کي انقلابي تحريک کي تيسري سالگرہ تھي عوام کے پرامن مظاہروں پر يلغار کردي جس کے نتيجے ميں دسيوں مظاہرين زخمي ہوئے جبکہ حکومتي کارندوں نے بڑي تعداد ميں مظاہرين کو گرفتار کرليا -خبروں ميں بتايا گيا ہے کہ آل خليفہ حکومت کي سيکورٹي فورس کے اہلکاروں نے جمعے کو پرامن مظاہرين پر حملے کے دوران وسيع پيمانے پر غيرقانوني ہتھياروں کا استعمال کيا جن ميں جنگي گولياں اشک آور اور زہريلي گيس کے گولے بھي شامل تھے -اسي سلسلے ميں انساني حقوق کي بين الاقوامي يونين اور ايمنسٹي انٹرنيشنل نے بھي اپنے الگ الگ بيانات ميں آل خليفہ حکومت کے ذريعے پرامن مظاہرين پر تشدد اور اس ملک ميں انساني حقوق کي وسيع پامالي پر اپني تشويش کا اظہار کيا ہے -انساني حقوق کي عالمي يونين نے اپنے بيان ميں بحرين ميں انساني حقوق کي مسلسل خلاف ورزيوں کے بارے ميں خبردار کرتے ہوئے بحريني حکام سے کہا ہے کہ وہ عالمي قوانين کي حکمراني اور انساني حقوق کي پاسداري کو ہرچيز پر مقدم رکھيں اور اس سلسلے ميں اپنے وعدوں پر عمل کريں -ايمنسٹي انٹرنيشنل نے بھي اپنے بيان ميں مظاہرين کے خلاف آل خليفہ حکومت کي تشدد آميز پاليسيوں پر تنقيد کرتے ہوئے کہا کہ بحريني حکومت کي اس قسم کي پاليسيوں نے اس ملک کے حکام کي ساکھ کو علاقائي اور عالمي سطح پر کافي نقصان پہنچايا ہے -اس درميان بحرين کے بزرگ عالم دين آيت اللہ شيخ عيسي قاسم نے جو بحريني علماء کونسل کے سربراہ بھي ہيں کہا ہے کہ حکومت مخالف عوامي مظاہرے جاري رہيں گے - آيت اللہ شيخ عيسي قاسم نے کہاکہ آل خليفہ حکومت کي نسل پرستانہ پاليسيوں کے خلاف اس ملک کے عوام کے احتجاجي مظاہرے آنے والے دنوں ميں اور زيادہ شدت کے ساتھ کئے جائيں گے -انہوں نے کہا کہ بحريني حکومت کي ظالمانہ اور استبدادي پاليسياں گذشتہ تين برس کے دوران بحريني عوام کو ان کے پرامن مظاہروں سے نہيں روک سکيں اور اس ملک کے عوام نے علاقائي اور عالمي سطح پر آج استقامت اور پائمردي کا ايک بہترين نمونہ پيش کيا ہے -بحرين ميں گذشتہ تين سال سے جاري پرامن مظاہروں کے دوران سيکورٹي فورس کے اہلکاروں اور سعودي فوجيوں نے اب تک ڈيڑھ سو بحريني شہريوں کو شہيد اور ہزاروں ديگر کو زخمي اور گرفتار کرليا ہے -
.......
/169
