ایران اور کرویشیا کے مضبوط تعلقات کی امید

ابنا: اسلامی جمہوریہ ایران کی پارلیمینٹ کے اسپیکر نے ایران و کروشیا کے درمیان تعاون کی سطح کے فروغ کے لئے دونوں ملکوں کے پارلیمانی گروپوں کے زیادہ سے زیادہ کردار ادا کرنے پر تاکید ہے۔ ایران کی پارلیمانی کی نیوز ایجنسی کی رپورٹ کے مطابق اسلامی جمہوریہ ایران کی پارلیمینٹ کے اسپیکر ڈاکٹر علی لاریجانی نے آج کروشیا کے دارالحکومت زاگرب میں اس ملک کی پارلیمینٹ کے اسپیکر " یوسیب لکو" کے ساتھ ملاقات میں کروشیا کے قومی دن کی مبارک باد پیش کرتے ہوئے کہا کہ ایران و کروشیا کے پارلیمانی دوستی گروپس حتمی طور پر دونوں ملکوں کی اقتصادی سرگرمیوں کے فروغ کے لئے زیادہ سے زیادہ فعال کردار ادا کریں۔ ڈاکٹر لاریجانی نے ایران و کروشیا کے دیرینہ تاریخی تعلقات کی طرف اشارہ کرتے ہوئے امید ظاہر کی کہ موجودہ گنجائشوں کو دیکھتے ہوئے دونوں ملکوں کے اقتصادی تعاون اور تجارتی لین دین کے حجم میں توسیع دیئے جانے ضرورت ہے۔ اسلامی جمہوریہ ایران کی پارلیمینٹ کے اسپیکر ڈاکٹر لاریجانی نے سوئیزرلینڈ میں ایران و گروپ پانچ جمع ایک کے درمیان آئندہ ہفتے ہونے والے مذاکرات میں جوہری مسئلہ کے سیاسی حل کے لئے ایران کی آمادگی کی طرف اشارہ کرتے ہوئے کہا کہ اگر مقابل فریق بھی نیک نیتی کا مظاہرہ کریں تو یہ مسئلہ بہت جلد ہوسکتا ہے۔ جناب لاریجانی نے علاقے میں رونما ہونے والی تبدیلیوں منجملہ دھشتگردی و انتہا پسندی کا ذکر کرتے ہوئے تاکید کی کہ افسوس کے ساتھ کہنا پڑتا ہے کہ علاقے میں مغرب کی پالیسیاں ، عالمی سطح پر دھشتگردی و انتہاپسندی کے فروغ کا سبب بنی ہیں۔ ڈاکٹر لاریجانی نے اس بات کا ذکر کرتے ہوئے کہ شام کے بحران کا راہ حل فوجی نہیں ہے کہا کہ شام کے بحران کو صرف سیاسی مذاکرات کے ذریعے حل کیا جاسکتا ہے۔ جناب لاریجانی نے دھشتگردی کے خلاف مہم اور منشیات کی بیخ کنی کے بہانے  افغانستان پر امریکہ اور اس کے مغربی اتحادیوں کے حملے اور اس ملک پر قبضے کی طرف اشارہ کرتے ہوئے کہا کہ امریکہ اور اس کے مغربی اتحادیوں کو دونوں شعبوں میں شکست کا سامنا کرنا پڑا ہے کیونکہ منشیات کی پیداوار میں بے پناہ اضافہ ہورہا ہے اور دھشتگردی کی لعنت افغانستان سے اب دوسرے ملکوں میں منتقل ہوگئی ہے۔۔۔۔۔۔۔۔۔۔۔۔۔۔۔۔۔۔۔۲۴۲