شام ميں دہشتگردوں کے خلاف کامياب فوجي آپريشن

ابنا: شامي فوج نے اس کاروائي کے دوران دسيوں دہشتگردوں کو ہلاک کرديا ہے اور اس علاقے ميں لڑائي مکمل طور پر ختم ہوگئي ہے - ريف القصير کےعلاقے ميں فوج نے مکمل کنٹرول حاصل  کرنے کے بعد اب اپنے مورچوں کو مستحکم بنانا شروع کرديا ہے - ذرائع کا کہنا ہے کہ اس علاقے ميں اب دہشتگردوں کا کوئي نام و نشان تک نہيں ہے -  شامي فوج نے القصير شہر کي جانب بھي پيشقدمي کا سلسلہ جاري رکھا ہے -علاوہ ازيں شامي فوج نے ريف دمشق کے علاقوں البويضا اور الدرخيبي اور آس پاس کے علاقوں پر  کنٹرول حاصل کرليا ہے جبکہ شامي فوج نے شمال مغربي شہر ادلب  ميں تفتاز ہوائي اڈے کے اطراف ميں دہشتگردوں کے ٹھکانوں کو ختم کرديا ہے -دوسري جانب العالم ٹي وي نے خبردي ہے کہ دہشتگردوں نے حمص کے علاقے القرابيض ميں متعدد خواتين کو قتل کرديا ہے جبکہ اتوار کو حلب کے علاقے کفرناہل اور زاہر ميں دہشتگردوں نے راکٹوں سے حملہ کرکے بيس عام شہريوں کو جاں بحق  کرديا جن ميں خواتين اور بچے بھي شامل ہيں-...../169