پاکستان کے کئی علاقوں میں پانچ عشاریہ سات کی شدت کا زلزلہ

ابنا: پاکستان کے وقت کے مطابق 11 بج کر 58 منٹ پر  دارالحکومت اسلام آباد، خیبر پختونخوا کے دارالحکومت پشاور سمیت بٹ گرام، تربیلا غازی، گوجرانوالہ،چنیوٹ، سیالکوٹ، شیخوپورہ، کامونکی، مریدکے، قصور، فیصل آباد، گجرات، اوکاڑہ، میانی، بھیر، جھنگ، ساہیوال، نارووال، پنڈ دادن خان، جہلم، منڈی بہاء الدین، نارووال، مظفر آباد، مری، اسکردو، چکوال ، مانسہرہ، ایبٹ آباد، حسن آبدال، اٹک، آزاد کشمیر اور ملحقہ علاقوں میں بھی زلزلے کے شدید جھٹکے محسوس کئے گئے، لوگ خوف و ہراس سے گھروں چھوڑ کر باہر نکل آئے، بھارتی میڈیا کے مطابق  بھارت کے شمالی علاقوں میں بھی زلزلے کے جھٹکے محسوس کئے گئے۔
امریکی جیولوجیکل سروے کے مطابق زلزلے کا مرکز اسلام آباد سے 267 کلومیٹر دور تھا جبکہ اس کی گہرائی 10 کلو میٹر رکارڈ کی گئی، محکمہ موسمیات کے مطابق زلزلے کی شدید  ریکٹر اسکیل پر شدت 5.7 ریکارڈ کی گئی، مرید کے میں زلزلے سے 2 بچے چھت سے گر کرزخمی ہوگئے تاہم کوئی جانی نقصان کی اطلاع نہیں ملی۔
واضح رہے کہ گزشتہ ماہ بھی ملک کے مختلف علاقوں میں زلزلے کے شدید جھٹکے ریکارڈ کئے گئے جس کی وجہ سے پاک ایران سرحدی علاقے ماشکیل میں کئی افراد جاں بحق اور زخمی ہوگئے تھے۔
۔۔۔۔۔۔۔۔۔۔۔۔
۲۴۲