ابنا: دونوں طرف سے ايک دوسرے پر پتھراؤ کيا گيا جس ميں دو وکيل زخمي ہوگئے - پرويزمشرف جوں ہي عدالت پہنچے وہاں موجود وکلا نے ان کے خلاف نعرے لگانے شروع کرديئے اس کے بعد جب مشرف عدالت سے باہر نکلے تو اس وقت بھي وکلاء نے ان کے خلاف نعرے لگانے شروع کرديئے جس پر ان کے حاميوں اور وکلاء کے درميان تصادم ہوگيا - لڑائي کے دوران لاٹھياں چليں اور ايک دوسرے پر پتھراؤ کيا گيا -
موقع پر موجود پوليس نے دونوں گروہوں کو الگ کرنے کي کوشش جس کے لئے اسے بھي لاٹھي چارج کرنا پڑا - خبروں کے مطابق لڑائي کا دائرہ انسداد دہشتگردي کي عدالت سے نکل کر راولپنڈي کچہري چوک تک پھيل گيا- ان لڑائيوں کي زد ميں کئي شہري بھي آئے اورگاڑيوں کے شيشے بھي ٹوٹ گئے -
راولپنڈي کي انسداد دہشتگردي کي خصوصي عدالت نے بينظير بھٹوقتل کيس ميں سابق صدر پرويز مشرف کو شامل تفتيشں ہونے کا حکم دے ديا ہے - پرويز مشرف کو راولپنڈي ميں انسداد دہشتگردي کي عدالت کے جج چودھري حبيب الرحمن کي عدالت ميں پيش کيا گيا جہاں سيکورٹي کے غير معمولي انتظامات کئے گئے تھے اور ميڈيا کے افراد کو عدالت کے احاطے ميں بھي نہيں جانے ديا گيا - اب اس سلسلے کي اگلي سماعت تين مئي کو ہوگي -
ادھر اسلام آباد ہائيکورٹ ميں پاکستان کے سابق صدر پرويزمشرف کے فرارکيس کي سماعت کے دوران ڈپٹي اجارني جنرل نے عدالت کو آگاہ کيا کہ ڈي ايس پي کو معطل کرديا گيا ہے -
دوسري جانب سپريم کورٹ ميں پرويز مشرف کے خلاف غداري کا مقدمہ چلانے کے لئے درخواستوں کي سماعت کے دوران مشرف کے وکيل احمد رضا قصوري نے بتايا کہ ان کے موکل نے بينچ پر اعتراض کيا ہے اور پرويز مشرف کو اس بينچ پر اعتماد نہيں ہے - پرويز مشرف کے وکيل نے کہا کہ پہلے ہماري فل کورٹ تشکيل دينے کي درخواست کي سماعت کي جائے -
واضح رہے کہ غداري کيس ميں مقدمے کي سماعت جسٹس جواد ايس خواجہ کي سربراہي ميں سپريم کورٹ کا تين رکني بينچ پر سماعت کررہا ہے -
.......
/169
