ابنا: شمالي کوريا کي سپريم کونسل کے سربراہ کم يونگ نيم نے يہ بات زور ديکر کہي ہے کہ شمالي کوريا کي فوج ناقابل تسخير جوہري ہتھياروں سے ليس ہے اور امريکہ کے خلاف بھرپور جنگ کے لئے تيار ہے-
انہوں نے جنوبي کوريا کي جانب سے مذاکرات کي پيشکش کے بارے ميں کہا کہ يہ پيشکش ايک سازش ہے جس کا مقصد اپنے اصل مقاصد پر پردہ ڈالنا ہے-
شمالي کوريا کي سپريم کونسل کے کے سربراہ کا يہ بيان ايسے وقت ميں سامنے آيا ہے جب جنوبي کوريا کے ايک اعلي عہديدار نے کہا ہے کہ انکا ملک موجودہ کشيدگي کے خاتمے کي غرض سے مذاکرات کے لئے تيار ہے-
دوسري جانب جنوبي کوريا کے وزير دفاع، کم کوان جيم نے کہا ہے کہ انکا ملک شمالي کوريا کے دھميکوں پر پوري سنجيدگي سے غور کر رہا ہے تاہم اس کي جانب سے جنگ کے آغاز کي کوئي علامات دکھائي نہيں ديتيں-جنوبي کوريا کے وزيردفاع نے يہ بات زور ديکر کہي کہ انکا ملک شمالي کوريا کي جانب سے ممکنہ خطرات اور ميزائيلي حملوں کے تدارک کے لئے تياري کي حالت ميں ہے-واضح رہے کہ شمالي کوريا کے رہنما کے اس بيان کے بعد کہ صورتحال دھماکہ خيز ہے، جزيرہ نمائے کوريا ميں جاري کشيدگي ميں مزيد اضافہ ہوگيا ہے-دوسري جانب امريکہ نے اعلان کيا ہے کہ وہ شمالي کوريا کي فوجي نقل و حرکت پر پوري نظر رکھے ہوئے ہے.
.......
/169
