ابنا: صدر ڈاکٹر محمود احمدي نژاد نے ونيزوئلا کے آنجہاني صدر ہيوگو شاويز کي آخري رسومات سے ميں شرکت کے بعد کاراکس سے واپسي پر تہران ميں صحافيوں سے گفتگو ميں کہا ہے کہ لاطيني امريکا کي اقوام اتحاد و يک جہتي کے ساتھ، ہيوگو شاويز کي استعمار مخالف انقلابي تحريک جاري رکھيں گي - انہوں نےاس بات پر زور ديتے ہوئے کہ ہيوگو شاويز تاريخ ميں ہميشہ باقي رہيں گے کہا کہ سامراجي طاقتوں کے مقابلے ميں ہيوگو شاويز کي استقامت و پائيداري نے انہيں خودمختاري کي انقلابي تحريکوں کا عظيم ترين حامي کي حيثيت سے جاويداني بناديا ہے - انہوں نے لاطيني امريکا ميں اقوام کي استعمار مخالف تحريکوں کي طرف اشارہ کرتے ہوئے کہا کہ ايران ميں اسلامي انقلاب کي کاميابي کے بعد لاطيني امريکا ميں بھي انقلابي تحريکيں شروع ہوئيں جنہيں ہيوگو شاويز نے کاميابي سے ہمکنار کيا –صدر مملکت نے ہيوگو شاويز کي آخري رسومات ميں دنيا کے تينتيس ملکوں کے صدور اور چون ملکوں کے اعلي سطحي وفود نيز دسيوں لاکھ لوگوں کي شرکت کو بين الاقوامي سطح پر ہيوگو شاويز کے اعلي مقام و منزلت کي علامت قرار ديا - اٹھاون سالہ ہيوگو شاويز منگل پانچ مارچ کو انتقال کرگئے تھے اور جمعے کو ان کي آخري رسومات ادا کي گئيں جن ميں ايران کے صدر نے بھي ايک اعلي سطحي وفد کے ہمراہ شرکت کي.
.....
/169
