اہل البیت(ع) نیوز ایجنسی ۔ ابنا ۔ کی رپورٹ کے مطابق بحرینی شیعوں نے دیہاتوں اور شہروں میں حکومت آل خلیفہ کے خلاف احتجاجی مظاہرے کیے ہیں ۔ مظاہرے میں شریک افراد نے حکومت آل خلیفہ کی جیلوں میں شکنجوں میں جکڑے ہوئے قیدیوں کی رہائی کا مطالبہ کیا ہے جنہیں اس سے پہلے حکومت مخالف مظاہروں میں شریک ہونے کے جرم میں گرفتار کیا گیا تھا۔ مظاہرین نے بحرینی پرچم ہاتھ میں لیے " اللہ اکبر اور ھیھات منا الذلہ" کے نعرے لگائے ۔ بحرینی شیعوں نے 14 فروری 2011 سے اس ملک کی جابر حکومت کے خلاف قیام شروع کر رکھا ہے اگرچہ یہ مظاہرے انتہائی پر امن ہیں لیکن اس کے باوجود بحرینی اور سعودی فورسز انہیں تشدد کا نشانہ بنارہی ہیں جس کی وجہ سے سینکڑوں لوگ شہید اور زخمی ہو چکے ہیں۔بحرینیوں کا کہنا ہے کہ وہ اپنے مطالبات کے منظور ہونے تک اس قسم کے مظاہرے جاری رکھیں گے۔۔۔۔۔۔۔۔۔۔۔۔۔۔
/110
