ابنا: جميعت الوفاق کے جاري کردہ بيان ميں انساني حقوق مرکز کے سربراہ نبيل رجب کي گرفتاري کو غير منطقي قرار ديتے ہوئے انکي فوري رہائي کامطالبہ کيا ہے- بيان ميں کہا گيا ہے کہ نبيل رجب کي گرفتاري سے حکومت کي کارکردگي ميں ايک اور سياہ باب اضافہ ہوگيا ہے-
بحرين کي اپوزيشن جماعت نے ملک کي چار سرکردہ خاتون سياسي کارکنوں کي گرفتاري کي بھي شديد الفاظ ميں مذمت کي ہے اور يہ بات کھل کر کہي ہے کہ ملک کي شاہي حکومت خواتين کي آزادي کو پامال اور سياسي قيديوں کو جيلوں ميں ايذائيں دے رہي ہے-
واضح رہے کہ بحريني اور سعودي سيکورٹي فورس نے انساني حقوق کي خلاف ورزيوں پر صدائے احتجاج بلند کرنے والوں کي سرکوبي کا سلسلہ جاري رکھتے ہوئے انساني حقوق مرکز بحرين کے سربراہ نبيل رجب کو جمعے کے روز ايک بار پھر گرفتار کرليا ہے- نبيل رجب کو اس سے قبل بھي کئي بار گرفتار کيا جاچکا ہے- نبيل رجب شاہي حکومت کے مخالفين کےخلاف سعودي اور بحريني سيکورٹي اہلکاروں کے تشدد آميز اور غير انساني سلوک پر کڑي نکتہ چيني کرتے رہے ہيں-
بحرين کے عوام سعودي عرب کي حمايت يافتہ بحريني شاہي حکومت کے خلاف تحريک چلا رہے ہيں اور انکا مطالبہ ہے ملک ميں جمہوري بنيادوں پر عوام کي نمائندہ حکومت قائم کي جائے-.......
/169
