ايران کي پيشرفت دوسرے ملکوں کے لئے مثال ہے

ابنا: ايران کے محکمہ ايٹمي توانائي کے سربراہ فريدون عباسي نے بدھ کي شام ايران کي ايٹمي پيشرفت اور اس کي تيار کردہ اہم ايٹمي مصنوعات کي رونمائي کي تقريب ميں اعلان کيا ہے کہ ايران ايٹمي ايندھن کي پلاننگ اور تياري کي توانائي رکھنے والے ملکوں ميں شامل ہوگيا ہے-

انہوں نے اس تقريب سے خطاب ميں کہا کہ تہران کے  تحقيقاتي ايٹمي ري ايکٹر کو ايران کي ضرورت کي انواع و اقسام کي نيوکلئر ميڈيسن کي تياري کے لئے بيس فيصد افزودہ ايٹمي ايندھن کي ضرورت تھي جو ايران نے خود تيار کرليا ہے -

انہوں نے پابنديوں کے باوجود ايران کي نئي ايٹمي پيشرفت کو ايراني ماہرين اور سائنسدانوں کي پر افتخار کاميابي سے تعبير کيا اور کہا کہ مغرب کے معاندانہ رويئے کے نتيجے ميں ايٹمي ايندھن سپلائي کرنے والے غير ملکي مراکز نے ايران کو ايٹمي ايندھن دينے سے گريز کيا جو اس ميدان ميں ايراني ماہرين کي صلاحيت کے ابھر کے سامنے آنے کا باعث ہوا- انہوں نے زور ديکر کہا کہ سائنس و ٹکنالوجي کے ميدان ميں ايران کي قابل فخر پيشرفت، خودمختاري، قومي اقتدار اعلي اور خودکفالت کے حصول ميں دوسرے ملکوں کے لئے نمونہ عمل ہے -

ايران کے محکمہ ايٹمي توانائي کے سربراہ نے سائنس وٹکنالوجي کے ميدان ميں ايراني قوم کي پيشرفت روکنے کے لئے مغرب کي کوششوں کي طرف اشارہ کرتے ہوئے کہا کہ عالمي سامراج نے ايران کے خلاف اپنے اہداف ميں ناکام ہونے کے بعد ايران کے ايٹمي سائنسدانوں کودہشتگردانہ حملوں کا نشانہ بنانا شروع کيا - انہوں نے کہا کہ ايران کے باصلاحيت اور اپنے ملک اور نظام پر يقين رکھنے والے نوجوانوں نے فکري اور علمي مجاہدت کے  ذريعے مغرب کو شکست ديدي ہے........ /169