اہل بیت نیوز ایجنسی ابنا کی رپورٹ کے مطابق، امریکی ڈیموکریٹ سینیٹر الیکس نے صدر ٹرمپ کی سالانہ کانگریس تقریر کے بعد انہیں جھوٹا قرار دیتے ہوئے سخت تنقید کا نشانہ بنایا اور بعض پالیسیوں کو بدعنوان آمروں کے طرزِ عمل سے تشبیہ دی۔
جرمن اخبار کے مطابق، ٹرمپ کی تقریر کے بعد ڈیموکریٹس نے ان پر شدید حملے کیے اور آئندہ انتخابات کی شفافیت پر خدشات کا اظہار کیا۔ کیلیفورنیا سے تعلق رکھنے والے سینیٹر پیڈیلا نے ہسپانوی زبان میں خطاب کرتے ہوئے کہا کہ "ہم نے ابھی ڈونلڈ ٹرمپ کو وہی کرتے سنا ہے جو وہ سب سے بہتر کرتے ہیں، یعنی جھوٹ بولنا۔
انہوں نے الزام عائد کیا کہ ٹرمپ ایسی حکمتِ عملیاں اختیار کر رہے ہیں جو ہم نے بدعنوان آمروں کے زیرِ حکومت ممالک میں دیکھی ہیں۔" پیڈیلا نے خاص طور پر امیگریشن پالیسیوں کو تنقید کا نشانہ بنایا اور وفاقی اہلکاروں پر الزام لگایا کہ وہ بعض کمیونٹیز کو ہدف بنا رہے ہیں۔
سینیٹر نے مزید کہا کہ موجودہ سیاسی افراتفری ایک شخص کی خطرناک خود غرضی کا نتیجہ ہے اور انہوں نے ٹرمپ پر آئندہ وسط مدتی انتخابات میں مداخلت کی کوشش کا بھی الزام عائد کیا۔
واضح رہے کہ نومبر میں ہونے والے وسط مدتی انتخابات میں ایوانِ نمائندگان کی تمام نشستوں اور سینیٹ کی تقریباً ایک تہائی نشستوں کا فیصلہ ہوگا، جبکہ انتخابی قوانین میں ممکنہ تبدیلیوں پر بھی سیاسی کشمکش جاری ہے۔
آپ کا تبصرہ