مغربی کنارہ: معروف انسانی حقوق کے علمبردار عودہ ہدالین صہیونی آبادکار کے ہاتھوں شہید

بین الاقوامی اہل بیت(ع) نیوز ایجنسی ـ ابنا | صہیونی آباد کار کے ہاتھوں شہید ہونے والے فلسطینی عودہ محمد ہدالین نے آسکر ایوارڈ جیتنے والی فلم No Other Land کی تکمیل میں بھی اہم کردار ادا کیا تھا۔

عرب میڈیا کے مطابق ایک صہیونی آباد کار نے معروف فلسطینی استاد، سماجی کارکن عودہ محمد ہدالین کو اُم الخیر نامی گاؤں میں شہید کردیا۔

صہیونی آبادکاروں کے حملے کے وقت عودہ گاؤں میں سامنے موجود تھے جہاں ایک آباد کار نے انکے سینے پر گولی مار کر ان کی جان لے لی، شہادت سے پہلے عودہ نے کے الفاظ تھے ’اسرائیلی ہمیں اس طرح سے مٹا رہے ہیں۔‘

فلم No Other Land کے معاون ہدایت کار اور اسرائیلی صحافی یوول ابراہم نے بتایا عودہ ایک قابل ذکر متحرک شخصیت کے مالک تھے اورانھوں نے ہماری فلم کی تکمیل میں اہم کردار ادا کیا تھا۔

یوول ابراہم نے واقعے کے حوالے سے ویڈیو بھی شیئر کی ہے جس میں عودہ کے قاتل صہیونی شہری ینان لیوی کی نشاندہی بھی کی گئی ہے۔

۔۔۔۔۔۔۔۔۔۔۔۔۔۔۔۔

110