اہل بیت(ع) نیوز ایجنسی ۔ ابنا ۔ کی رپورٹ کے مطابق پاکستانی وزارت خارجہ نے بدھ کو جاری کردہ ایک بیان میں کہا ہے کہ پاکستان شدت پسندی اور دہشت گردی کے خلاف تمام علاقائی اور بین الاقوامی کوششوں کی مستقل حمایت کرتا رہا ہے۔
بیان میں کہا گیا ہے کہ اس سال کویت میں ہونے والی اسلامی تعاون کی تنظیم میں اسلامی ملکوں کے وزرائے خارجہ کے 42ویں اجلاس میں اس بات کا اعادہ کیا گیا تھا کہ اقوام متحدہ اور اسلامی ملکوں کے تعاون کی تنظیم کی قراردادوں کی روشنی میں دہشت گردی اور شدت پسندی سے نمٹا جائے گا۔
بیان میں کہا گیا ہے کہ پاکستان شدت پسندی اور دہشت گردی کے خلاف جنگ میں علاقائی اور بین الاقوامی کوششوں کی مسلسل حمایت کرتا رہا ہے۔
بیان میں پاکستان اور سعودی عرب کے درمیان برادرانہ تعلقات کا بھی ذکر کیا گیا ہے اور کہا گیا ہے کہ دونوں ممالک دہشت گردی کی مذمت کرتے ہیں اور دونوں ممالک دہشت گردی کے خاتمے کے لیے بین الاقوامی کوششوں کی حمایت کرتے ہیں۔
.......
/169
