اہل بیت(ع) نیوز ایجنسی ـ ابنا | تحریک تحفظ آئین پاکستان کے ترجمان اخوانزادہ حسین یوسفزئی نے اپنے جاری کردہ بیان میں کہا کہ آج تحریک تحفظ آئین پاکستان کی قیادت قومی ایجنڈا قوم کے سامنے رکھے گی، جسے اتحاد میں شامل تمام جماعتوں نے اتفاق رائے سے تیار کیا ہے۔
اپوزیشن اتحاد کے ترجمان کا کہنا ہے کہ قومی ایجنڈے میں ملک کو درپیش مسائل سے متعلق نشاندہی کی ہے۔
قومی ایجنڈے کی تیاری کےلیے محمود اچکزئی کے ہمراہ اپوزیشن اتحاد کی جماعتوں نے کام کیا۔ ایجنڈے کےلیے اختر مینگل، علامہ راجہ ناصر عباس جعفری اور صاحبزادہ حامد رضا نے مشاورت کی۔
اپوزیشن اتحاد کے ترجمان اخوانزادہ حسین یوسفزئی کے مطابق قومی ایجنڈے میں مسائل کے حل کےلیے اپوزیشن نے لائحہ عمل دیا ہے، جسے آج باضابطہ طور پر عوام کے سامنے رکھیں گے۔
۔۔۔۔۔۔۔۔۔۔۔۔
110
تحریک تحفظ آئین پاکستان کے ترجمان کا کہنا ہے کہ اپوزیشن اتحاد تحریک تحفظ آئین پاکستان نے قومی ایجنڈا تیار کر لیا ہے۔
آپ کا تبصرہ