اہل بیت(ع) نیوز ایجنسی ـ ابنا ـ کے مطابقی،
اقوام متحدہ میں فلسطین کے مستقل مندوب ریاض منصور نے خطاب کرتے ہوئے کہا کہ عالمی
ادارہ غزہ میں قحط کے بحران کو ختم کرنے کے لیے عملی قدم اٹھائے۔
ریاض منصور نے مسائل پر غور کرنے کی ضرورت پر
زور دیتے ہوئے کہا کہ "اسرائیل"، قحط کو نسلی تصفیے اور اپنے سامراجی
اہداف کی تکمیل کے لئے، جنگی حربے کے طور پر استعمال کر رہا ہے۔
انہوں نے کہا: ہمارے انتباہ اور اسرائیل کے
انکار کے باوجود اس وقت یہ منظر ہر ایک کی نظروں کے سامنے ہے؛ غزہ کے وسیع علاقوں
کو اپنی فلسطینی آبادی سے خالی کرنے کی منظم سازش اپنے آخری مرحلے میں ہے۔
ریاض منصور نے غرب اردن پر بھی صہیونیوں کے مکمل
قبضے کی پلاننگ کو مسترد کرتے ہوئے کہا کہ فلسطینی عوام کو ایک بار پھر موت، جائیداد
اور املاک پر قبضے اور بے گھر اور بے وطن ہونے کا سامنا ہے لیکن صاف الفاظ ہم میں
کہتے ہیں کہ ہمیں ختم کرنا ناممکن ہے۔
اقوام متحدہ میں فلسطین کے مستقل مندوب نے کہا
کہ ہماری جڑیں زیتون کے درختوں کی مانند اس سرزمین سے پیوست ہیں، ہمیں اکھاڑا نہیں
جا سکتا۔
۔۔۔۔۔۔
110
