اہل بیت(ع) نیوز ایجنسی۔ابنا۔ عالم تشیع کے مرجع تقلید آیت اللہ العظمیٰ سید محمد سعید حکیم کی رحلت پر آیت اللہ رضا رمضانی نے ایک تعزیتی پیغام جاری کر کے اس عظیم نقصان پر افسوس کا اظہار کیا ہے۔
اہل بیت(ع) عالمی اسمبلی کے سیکرٹری جنرل کے پیغام کا ترجمہ حسب ذیل ہے:
بسم اللہ الرحمن الرحیم
جلیل القدر مرجع تقلید حضرت آیت اللہ العظمیٰ الحاج سید محمد سعید حکیم کی رحلت دکھ اور افسوس کا باعث بنی۔
ان عظیم المرتبت عالم دین جنہوں نے فقاہت، جہاد اور شہادت کے دامن میں تربیت حاصل کی، نے اپنی تمام مبارک عمر علم کے حصول، احکام الہی کی ترویج اور قرآن و اہل بیت(ع) کی تعلیمات کو عام کرنے میں صرف کر دی۔
بعثی حکومت کی جیل میں کئی سال قید، دینی اور فلاحی اداروں کا قیام، طلاب اور علماء کی تربیت، متعدد کتابوں کی تالیف اور نیز اربعین حسینی کے موقع پر زائرین کی ملین مارچ کے دوران خدمات، مرحوم کے قیمتی باقیات الصالحات اور روح مطہر کے لیے زاد راہ ہو گی۔
اس ناقابل تلافی نقصان کے مقام پر حضرت بقیہ اللہ الاعظم (ارواحنا لہ الفداء)، رہبر انقلاب اسلامی، مراجع تقلید خصوصا آیت اللہ العظمیٰ سیستانی، حوزات علمیہ نجف و قم، عراق کے عوام، مرحوم کے مقلدین، شاگردوں، عقیدت مندوں اور حکیم خاندان، مخصوصا برادران و فرزندان گرامی کی خدمت میں تعزیت پیش کرتے ہیں۔
خداوند متعال کی بارگاہ میں مرحوم کے لیے اعلیٰ درجات، اولیائے الہی کے ساتھ حشر و نشر اور ائمہ طاہرین (ع) کے قرب و جوار میں مقام جبکہ پسماندگان کے لیے صبر و اجر کی دعا کرتا ہوں۔
وإنا لله وإنا إلیه راجعون
رضا رمضانی
سیکرٹری جنرل اہل بیت(ع) عالمی اسمبلی
............
242
