منامہ: ایران کے خلاف امریکا کی بڑھتی ہوئی معاشی پابندیوں کے دوران بحرین نے بھی واشنگٹن کے ساتھ مالی اور اقتصادی تعاون مزید مضبوط بنانے پر زور دیا ہے۔ بحرینی حکام نے ایران سے متعلق امریکی دباؤ کے تناظر میں ’’غیر قانونی مالی معاونت‘‘ روکنے اور مالی ذرائع کی بندش کے لیے امریکا کے ساتھ تعاون بڑھانے کا اعلان کیا ہے۔
ایران پر کئی دہائیوں سے جاری امریکی پابندیوں کے باوجود تہران نے مشرقی طاقتوں کے ساتھ اقتصادی روابط بڑھا کر اور متبادل تجارتی راستے اختیار کرکے دباؤ کا مقابلہ کیا ہے۔ ماہرین کے مطابق یہی عوامل امریکی ’’زیادہ سے زیادہ دباؤ‘‘ کی پالیسی کو اپنے مطلوبہ نتائج حاصل کرنے میں رکاوٹ بن رہے ہیں۔
امریکا نے بدھ کے روز ایران کے بیلسٹک میزائل پروگرام میں ملوث ہونے پر بھارت اور چین سمیت متعدد ممالک کے 32 اداروں اور افراد پر پابندیاں عائد کرنے کا اعلان کیا ہے۔
