اہل بیت(ع) نیوز ایجنسی ـ ابنا کے مطابق، صہیونی فوج کا
سابق اہلکارآوینیر گواریاہو یسرائیلی (Avner
Gvaryahu Yisraeli) ـ جو 2005ع سے 2007ع
تک مغربی کنارے میں غاصب فوج کا اسنائپر رہا ہے، کچھ عرصہ قبل "خاموشی توڑ
تنظیم" (Breaking the Silence organization) سے جا ملا ہے۔ اس تنظیم کی ذمہ داری ان اسرائیلی فوجیوں کے
اعترافات کی نشر و اشاعت ہے، جو فوج سے سبکدوش یا برخاست ہوئے ہیں۔
اونیر جفاریاہو کا کہنا ہے کہ اسرائیلی دنیا کی اخلاقی ترین فوج ہونے کا دعوی کرتے ہیں جبکہ اس مسلمہ حقیقت کو نظرانداز کرتے ہیں کہ ممکن ہی نہیں ہے کہ قابض بھی ہو اور اخلاقی بھی۔
اس صہیونی فوجی نے نہتے فلسطینیوں کی زندگی کو صہیونی فوج کی عدم توجہ پر تنقید کرتے ہوئے کہا کہ اس فوج نے غلطی سے گولی چلا کر بھی تین اسرائیلی فوجیوں کو ہلاک کر دیا۔
گواریاہو نے کہا: اسرائیلی فوج غزہ میں امدادی کارکنوں، ڈاکٹروں اور صحافیوں کو قتل کرتی ہے، غزہ پر جنگ انتقامی جنگ ہے جس کی وجہ سے صہیونی فوج کی صلاحیتیں فرسودگی سے دوچار ہو گئی ہیں۔
گواریاہو نے غزہ کی جنگ میں صہیونی ریاست کے تئیں امریکی حمایت کو مورد تنقید ٹہرایا اور کہا کہ اگر بائیڈن کی حمایت نہ ہوتی تو یہ جنگ ایک سیکنڈ بھی جاری نہیں رہ سکتی تھی۔
۔۔۔۔۔۔۔۔۔۔۔
110