اہل بیت(ع) نیوز ایجنسی ـ ابنا ـ کے مطابق، ذرائع ابلاغ اور سوشل میڈیا پر گردش کرنے والی تصاویر سے ظاہر ہوتا ہے کہ غاصب صہیونی درندوں نے غزہ کے مشہور الشفاء اسپتال پر جنون آمیز انداز سے حملے کئے ہیں۔ اور کل رات کو اسی اسپتال کو ممنوعہ فاسفورس بموں سے نشانہ بنایا ہے۔ رپورٹوں کے مطابق کل رات کو صہیونیوں نے اس اسپتال پر مسلسل حملے کئے ہیں جہاں ہزاروں خواتین، بڑے بوڑھوں اور بچوں نے پناہ لے رکھی ہے۔ اس اسپتال کی پانچویں منزل میں خواتین کے وارڈ کو بھی خصوصی طور پر نشانہ بنایا گیا ہے۔
غزہ پٹی میں فلسطینی وزارت صحت کے ڈائریکٹر جنرل ڈاکٹر منیر البرش نے کہا کہ تقریبا 100 شہدائے کی لاشیں الشفاء اسپتال کے باہر زمین پر بکھری پڑی ہیں، اور بلا توقف بمباریوں کی وجہ سے، اس علاقے کی طرف ایمبولینسوں کی نقل و حرکت ممکن نہیں۔
البرش نے کہا: الشفاء اسپتال میں شہداء کی تدفین کے لئے اجتماعی قبر کھودیں گے، کیونکہ اسپتال سے باہر جانا ممکن نہیں۔
۔۔۔۔۔۔۔۔۔۔۔۔۔۔۔۔
110