اہل بیت(ع) نیوز ایجنسی۔ابنا۔ آل انڈیا مجلس اتحاد المسلمین کے صدراوررکن پارلیمنٹ اسد الدین اویسی نے کل صحافیوں سے گفتگو کرتے ہوئے کہا کہ ان کی پارٹی ایودھیا معاملے پرسپریم کورٹ کے فیصلے کے تحت ایک مسجد کی تعمیر کے لئے دی جانے والی پانچ ایکڑ کی اراضی کے حق میں نہیں ہے کیونکہ یہ لڑائی قانونی حقوق اوربابری مسجد کے لئے تھی۔ انہوں نے کہا 'میں اپنی پارٹی کے لئے بولتا ہوں، ہم یہ 'خیرات' نہیں چاہتے ہیں۔ ہماری لڑائی قانونی حقوق کے لئے تھی، بابری مسجد کے لئے تھی۔ ہماری لڑائی زمین کے اس ٹکڑے کے لئے نہیں تھی۔
جب مجلس اتحاد المسلمین کے سربراہ سے کچھ مسلم لیڈروں کے تبصرہ کے بارے میں پوچھا گیا کہ پانچ ایکڑ کی زمین حکومت کے ذریعہ ایکوائر 67 ایکڑ زمین میں سے ہی تقسیم کی جانی چاہئے، توانہوں نے کہا کہ کئی سالوں ہماری یہ جدوجہد زمین کے ایک ٹکڑے کے لئے نہیں تھی۔
/129
