اہل بیت(ع) نیوز ایجنسی ۔ ابنا ۔ کی رپورٹ کے مطابق امریکہ کے شہر شیکاگو اور دیگر شہروں میں ہزاروں افراد نے اوباما کیئر قانون منسوخ کرنے کی ریپبلیکن پارٹی کی کوششوں کے خلاف احتجاج کیا ہے- مظاہرین کو یہ تشویش ہے کہ اس منصوبے کے منسوخ ہونے کے ساتھ ہی لاکھوں افراد ہیلتھ انشورنس کی سہولت سے محروم ہوجائیں گے-اس احتجاجی مظاہرے میں مزدور یونینیں بھی شریک تھیں اور ایسے پلے کارڈز اٹھائے ہوئی تھیں جن پر لکھا تھا " صحت کی نگہداشت کے پروگرام کی حفاظت کی جائے- واضح رہے کہ امریکی صدر ڈونلڈ ٹرمپ نے وعدہ دیا ہے کہ وہ اوباما کیئر قانون کو منسوخ کردیں گے یا اس کا جاگزیں قانون ترتیب دیں گے- کانگریس میں ریپبلیکن کی اکثریت نے اس ہفتے اس منصوبے کی منسوخی کے حق میں ووٹ دیئے ہیں-اوباما ہیلتھ کیئر قانون کے تحت اب تک تقریبا دو کروڑ امریکی، ہیلتھ انشورنس حاصل کرچکے ہیں-
۔۔۔۔۔۔۔
/169
